Festohen Pashkët në Vrakë
Në Vrakë afër Shkodrës të dielën me dt. 16. Prill.2017 u mbajt Liturgjia e Pashkës në Kishën e Shën Trinisë në Vrakë nën drejtimin e atë Justin Mrenoviq me bashkëshërbimin e priftërinjve nga Mali i Zi, me pjesëmarrjen e besimtarëve dhe pjesëtarëve të pakicës sonë të besimeve të tjera, të cilët janë gjithmonë të pranishëm me vëllezërit e tyre të të njëjtit komb. Pas kungimit të besimtarëve dhe bekimit të vezëve të Pashkës, atë Justini i uroi të gjithë të pranishmit Pashkët dhe i përcolli përshëndetjet e Mitropolitit Amfilohije, i cili për 25 vite kujdeset për jetën fetare të besimtarëve ortodoksë të përkatësisë Serbe. Ai kujtoi se në një ditë të tillë Pashkësh, para 25 vitesh Mitropoliti Amfilohije shërbeu liturgjinë e parë pas regjimit të Enver Hoxhës , duke i dhënë mbështetje popullit të vuajtur. Ai shtoi se falë Kryepeshkopit Anastas u ringjall dhe kisha ortodokse në Shqipëri dhe fëmijët sot pagëzohen. Ai tregoi për prejardhjen e tij nga familja Mrenoviq me origjinë nga banorët e vjetër të Vrakës, gjyshi i të cilit ka shërbyer në Boriçin e Vogël para 95 vjetësh. Të gjithë të pranishmëve iu drejtuar me fjalët- Krishti u Ngjall, të cilave të gjithë iu përgjigjën njezëri- Me të Vërtetë u Ngjall.
Krahas besimtarëve nga Shkodra dhe Vraka, në liturgji mori pjesë dhe zv. Ambasadori i Republikës së Serbisë në Tiranë, z. Jugoslav Gjorgjeviq me bashkëshorten.
Të gjithë të pranishmëve me këtë rast iu ndanë paketat e dhuratave.
Pas shërbesës u organizuar dhe tryeza e dashurisë në të cilën miqtë nga Mali i Zi i përshëndetën z. Pavlo Jakoja, kryetari i Shoqatës së pakicës kombëtare Serbo-Malazeze “ Moraça- Rozafa” dhe z. Simo Ajkoviq, Kryetari i shoqatës Ortodokse “ Shën Jovan Vladimir” . Ata falenderuan Mitropolitin Amfilohije i cili ndihmon në mënyrë të pakursyer popullin tonë në Shkodër dhe e mbledh rreth Kishës së Shenjtë.
