Month: tetor, 2017

Ministri Bushati prezanton ligjin për pakicat në Shkodër

22664450_10214583153036236_1033657727_o-660x330

Ministri i Punëve të Jashtme të Republikës së Shqipërisë, z. Ditmir Bushati, i shoqëruar nga deputeti i Parlamentit të Shqipërisë i zgjedhur në zonën e Rrethinave e banuar nga një numër i konsiderueshëm i komunitetit serb dhe malaze, z. Luan Harusha dhe nga bashkëpunëtorë të tjerë, i dedikoi vizitën e parë në prezantimin e ligjit për pakicat kombëtare dhe u takua në selinë e shoqatës së pakicës Serbe “ Moraça-Rozafa” me përfaqësuesit e organizatave të pakicës Serbe në Shkodër si dhe me përfaqësues të organizatave të minoriteteve Rome, Malazeze dhe Egjiptiane që operojnë në Shkodër të njohura së fundmi me miratimin e ligjit “ Për mbrojtjen e pakicave kombëtare në Republikën e Shqipërisë”. Read more →

Parlamenti i Shqipërisë miraton ligjin “ Për pakicat kombëtare”

auto_kuvendi_i_shqiperise_20161504699206

Parlamenti i Republikës së Shqipërisë miratoi të Premten, me dt. 13 Tetor 2017 me 102 vota pro, 10 kundër dhe 1 abstenim ligjin “ Për mbrojtjen e pakicave kombëtare në Republikën e Shqipërisë”. Ligji mori mbështetjen e shumicës parlamentare dhe të opozitës duke konfirmuar çuarjen përpara e të drejtave dhe lirive të pakicave kombëtare me anë të rregullimeve të nevojshme ligjore në këtë fushë. Read more →

Kombëtarja e Serbisë kualifikohet në Kampionatin Botëror të futbollit

fudbaleri-Tanjug-AP-Darko-Vojinovic

Kombëtarja e futbollit të Serbisë me fitoren ndaj Gjeorgjisë me rezultatin 1-0 u kualifikua direkt në Kampionatin Botëror të Futbollit i cili do të mbahet vitin që vjen në Rusi. Kjo fitore e shkëlqyer është e fundit nga ndeshjet e luajtura me mjeshtëri nga përfaqësuesja e Serbisë duke hapur dhe rrugën që Srbija të tregojë vlerat e vërteta sportive në eventin më të ndjekur sportiv në botë.
Si të gjithë pjesëtarët e popullit Serb në botë, dhe serbët e Shqipërisë janë krenarë për suksesin e futbollistëve tanë. Ne do ti nxisim me shpirt dhe me lutjet tona që përfaqësuesja serbe të arrij një rrezultat maksimal në Mondial dhe të shfaqë figurën sportive të popullit tonë dhe krenarisë sonë kombëtare gjithë botës.

 

Komisionet për të Drejtat e Njeriut si dhe për Politikën e Jashtme, seancë dëgjimore me organizatat e pakicave mbi projektligjin “Për Mbrojtjen e pakicave kombëtare në Republikën e Shqipërisë”

kom.ligje_

Komisioni për Çështjet Ligjore, Administratën Publike dhe të Drejtat e Njeriut dhe Komisioni për Politikën e Jashtme zhvilluan një seancë dëgjimore të përbashkët me grupet e interesit, organizata të shoqërisë civile e përfaqësues të botës akademike për “ligjin e pakicave kombëtare” në Republikën e Shqipërisë.
Organizatat e minoritetit tone iu përgjigjën ftesës për konsultim krahas përfaqësuesve nga shoqatat e pakicave greke, arumunëve-vllehëve, maqedonase, romëve, boshnjake dhe egjiptiane. Kryetari i Shoqatës ” Moraça-Rozafa”, z. Pavlo Jakoja, Kryetari i Shoqatës Serbe ” Jedinstvo” Ekrem Duleviq si dhe kryetari i shoqatës ortodokse ” Shën Jovan Vladimir” z. Simo Hajkoja mbështetën idenë e një ligji gjithpërfshirës dhe përfshirjen e sa më shumë të drejtave dhe për pakicat numerikisht më të vogla. Në këtë seancë degjimore mori pjesë dhe Ministri i Punëve të Jashtme të Republikës së Shqipërisë, z. Ditmir Bushati.
Fillimisht, përfaqësuesit e grupeve të interesit vlerësuan nismën për hartimin e këtij projektligji, që do të ketë një impakt pozitiv përsa i takon pakicave kombëtare. Gjithashtu, ata kërkuan implementimin e tij sa më të shpejtë. Një rëndësi të veçantë, u shprehën grupet e interesit ka dhe krijimi i një fondi të posaçëm për pakicat.
Gjatë fjalës së tyre ata vunë theksin në faktin se pakicat kombëtare duhet të kenë përfaqësim në këshillat bashkiak, ku sipas tyre pakicat duhet të kenë përfaqësim real në njësitë e qeverisjes vendore dhe të marrin pjesë aktive në hartimin e politikave vendore.
Gjithashtu, ligji për pakicat kombëtare duhet të plotësohet me legjislacionin zbatues përkatës në fusha të tilla si arsimi, parandalimi dhe lufta ndaj margjinalizimit social-ekonomik, trashëgimia kulturore, etj. Sikurse dhe realizimi efektiv i të drejtave vetjake, politike, sociale, ekonomike që i përkasin pakicave në barazi të plotë me individët e popullsisë dominuese, ata kërkuan garantimin e të drejtës së pjesëmarrjes në jetën publike.
Ligji pritet do të kalojë në séance parlamentare për miratim me dt. 12 Tetor.

Kontakt

Shoqata ortodokse sllave ” Shen Jovan Vladimir Adresa: L. Vasil Shanto, rr. At Shtjefen Gjecovi, Shkoder, pallati i ri, Albania Tel: +355666566340, +355682085225 E-mail: pravoslavlje.skadar@gmail.com
Copyright (C) 2014, Shoqata Identitet | Faqe Interneti nga Interweb.al sh.p.k