Month: nëntor, 2019

Ekipi i specializuar nga Serbia në bashkëpunim me kolegët nga Shqipëria ndihmon në eleminimin e pasojave të tërmetit shkatërrimtar të datës 26 Nëntor.

Një tragjedi natyrore goditi Shqipërinë mëngjesin e 26 nëntorit, ku tërmeti me magnitudë 6.4 të shkallës Rihter mori 51 jetë njerëzish dhe la mbi 700 të plagosur, si dhe një pamje dramatike në Durrës e Thumanë, me një sërë ndërtesash të kthyera në gërmadha.

Për ti ardhur ne ndihme popullatës se goditur nga kjo fatkeqesi natyrore, u angazhuan  ekipe të specializuara nga shumë vende të Evropës, ku një këto ishte dhe ekipi i specializuar nga R.Serbise.

Anëtarët e ekipit special të kerkim-shpëtimit të Sektorit të Emergjencave të Ministrisë së Punëve të Brendëshme të R.Serbisë, të cilët erdhën menjëherë në Republikën e Shqipërisë ndihmuan pa rezerva në eleminimin e pasojave të tërmetit dhe u angazhuan gjatë operacioneve në kërkimin e terrenit, për gjetjen dhe shpëtimin e individeve të zënë poshtë rrënojave në zonën Thumane.
Ekipi serb i shpëtimit, i cili përbëhet nga 13 shpëtimtarë të trajnuar dhe të pajisur me pajisje speciale për kërkimin dhe shpëtimin e njerëzve të rrezikuar poshtë rrënojave në zonat urbane, pas takimit me përfaqësuesit lokalë të urgjencës shqiptare, filluan menjëherë kërkimin në terren së bashku me ekipet shqiptare të shpëtimit.

Një ekip i specializuar për shpëtim i Ministrisë së Punëve të Brendshme të Serbisë ka mbërritur në orët e para të mëngjesit një ditë pas tërmetit në zonat e prekura nga tërmeti në Shqipëri. Lajmin e ka konfirmuar ambasadori serb në Tiranë, Mirojlub Zaric. “Ata kanë arritur në Thumane në orën 03:30 të mëngjesit, dhe sipas informacioneve që kemi marrë nga drejtuesi i skuadrës ata janë vendosur në afërsi të tendave”, ka thënë ambasadori Zariq .

Ndërkohë Vlada Plemiq nga Sektori i Emergjencave ka thënë se kanë mbërritur mirë ndërkohë për skuadrën ka thënë se janë të certifikuar dhe të trajnuar sikur të gjithë ekipet tjera të botës. Plemiq gjithashtu ka treguar se tërmeti që ka prekur Shqipërinë i kujton atë të Shkupit në vitin 1963 dhe të Banja Llukës në vitin 1969. Gjithashtu ka thënë se 72 orët e para janë vendimtare për kërkimin dhe shpëtimin e personave që gjenden nën rrënoja. Ndër të tjera Plemiq ka thënë se aktivitetet e shpëtimit do të zgjasin së paku 15 ditë pasi që ka shumë pak gjasa të mbijetesës  në kushte të tilla. “Jemi në monitorim konstant të situatës dhe gjithashtu jemi në kontakt me Institutin Hidrometeorologjik dhe Institutin Sizmik. Të gjitha ndodhitë po monitorohen, po mbahen statistika dhe po analizohen”, ka thënë Plemic.

Ardhje e këtij ekipi të specializuar për të ndihmuar në eliminimin e efekteve të tërmetit, u arrit pas një marrëveshjeje midis Presidentit serb Aleksandar Vuçiq dhe Kryeministrit të Shqipërisë Edi Rama. Presidenti serb Aleksandar Vuçiç gjithashtu shprehu ngushëllimet e tij për viktimat e tërmetit dhe shtoi se Serbia është e gatshme të ndihmojë, brenda mundësive të saj, në zbutjen e pasojave të këtij tërmeti shkatërrimtar.

Shefi i Kabinetit të Presidentit të R.Serbisë z.Nikola Selakoviq takohet në Shkodër me përfaqësuesit e pakicës serbe dhe malazeze.

Me datën 19/11/2019 shefi i Kabinetit te Presidentit te Republikës së Serbise z.Nikola Selakoviq i shoqëruar nga ambasadori i R.Serbisë në Tiranë z.Miroljub Zariq vizitoi ambientet e shoqatave qe përfaqësojnë pakicën serbe dhe malazeze në Shkodër respektivisht, shoqatat ”Moraça-Rozafa” dhe ”Sh.Jovan Vladimir”. Gjate kësaj vizite z.Selakoviq pati një takim të përzemërt me përfaqësuesit dhe disa nga aktivistët kryesorë të këtyre shoqatave që zgjati rreth 1 orë e 30minuta.

Çështjet që u diskutuan kishin të bënin me rritjen e rolit te shtetit serb në përkrahje të interesave të pjesëtarëve të komunitetit serb dhe malazez që jeton në Shkodër si dhe krijimin e lehtësirave për studentët që i përkasin kësaj pakice dhe që studiojnë në fakultetet e Beogradit. Gjithashtu u diskutua edhe për të drejtën e paisjes me pasaportë të R.Serbisë për të gjithë ata që plotesojnë kushtet për plotësimin e formularit të deklarimit.

Në fjalën e tij shefi i kabinetit te presidentit Vuçiq përcolli përshëndetjen e Presidentit për komunitetin tonë dhe shprehu edhe një herë gatishmërine e shtetit që ai përfaqëson, për të mbështetur dhe avancuar në të gjitha format ligjore aktivitetin e shoqatave Moraça-Rozafa dhe Sh.Jovan Vladimir edhe në funksion të bashkjetesës dhe paqes.

Në ditën e armëpushimit te Luftës së Parë Botërore, përfaqësuesit e të gjitha shoqatave serbe bënë nderime prane varrezes se ushtarëve serbë që vdiqën në territorin e Shqipërisë.

Në ditën e armëpushimit te Luftës së Parë Botërore, përfaqësuesit e të gjitha shoqatave serbe perkujtuan ushtaret serbë që vdiqën ose u vrane në territorin e Shqipërisë.
Të hënën, 11 Nëntor, me iniciativën e Ambasadës së Republikës së Serbisë në Tiranë, përfaqësuesit e të gjitha shoqatave që përfaqësojnë pakicën serbe në Shqipëri nderuan kujtimin e ushtarëve te rënë serbë, të cilët humbën jetën në Luftën e Parë Botërore, gjate tërheqjes nëpër territorin e Shqipërisë. Ceremonia u organizua në varrezat civile në Tiranë dhe filloi saktësisht në orën 11.

Në emër të shoqatës Moraca-Rozafa, në ceremoni morën pjesë presidenti i shoqatës, z. Pavle Brajoviq, dhe anëtari i shoqatës, z. Omer Stankovic. Në emër të Shoqatës së Shën Jovan Vladimirit, kurora vendosi kryetari i shoqatës z.Z. Ajkoviq dhe në emër të shoqatës Jedinstvo nga qyteti i Fierit kurora u vunë nga kryetari i shoqatës Jedinstvo Z. Ekrem Duleviq dhe bashkëpunëtorët e tij. Të pranishëm gjithashtu në këtë përkujtim solemn ishin përfaqësues të shoqatës së re Skadarlija me qendër në Tiranë, të kryesuar nga presidenti i kësaj shoqate, Z. Salko Brajoviq.
Pas vendosjes se kurorave, fjalen e rastit e mbajti Ambasadori i Republikës së Serbisë në Tiranë Z. Miroljub Zariq. Pas një minutë heshtje ne kujtim të tyre, Ambasadori i Republikës së Serbisë z. Zariq nder te tjera theksoi se “kjo është një datë domethënëse për ne dhe është mirë që komuniteti ynë i vogël serb në Shqipëri dhe ju, si anëtarët më aktivë, jeni mbledhur per te ruajtur kujtimin e të parëve tanë që  humben jetën e tyre. në tërheqje në luftimet në territorin shqiptar. Fatkeqësisht, regjimet që ekzistuan nuk lejuan atë që është e krishterë dhe civilizues qe te kënë të paktën nje vend per te ruajtur eshtrat e tyre dhe vend ku janë varrosur. Por ndërsa jeni këtu, unë jam veçanërisht i kënaqur që të rinjtë janë këtu, dhe jam i sigurt që ju do të ruani kujtimin per bashkatdhetarëve tanë dhe se do të luftoni, por me mjete të tjera, njohuri, me dije, ndershmëri dhe vlera të reja, dhe se e vërteta për vuajtjet e serbëve dhe vështirësitë e të mbijetuarve të Serbisë do të jetojnë në këtë mjedis dhe të gjeni një gjuhë të përbashkët me të rinjtë shqiptarë, në mënyrë që nga njëra anë një gje e tillë të mos përsëritet kurrë, dhe nga ana tjetër të ndërtojë një botë të re, një jetë të përbashkët në këtë rajon. Unë gjithmonë u them shokëve tanë të huaj Ballkani është i vogël, por ka mjaft vend si për serbët ashtu edhe për shqiptarët dhe për të gjithë popujt e tjerë që jetojnë në këtë rajon”, përfundoi Ambasadori i Republikës së Serbisë z. Miroljub Zariq.