Presidenti i Dhomës së Tregtisë Serbe, Marko Çadezh u ka bërë thirrje kompanive serbe të ndihmojnë Shqipërinë.
Presidenti i Dhomës së Tregtisë Serbe, Marko Çadezh u ka bërë thirrje kompanive serbe që të ndihmojnë popullatën shqiptare dhe bizneset e prekura nga tërmetet shkatërruese të javës së kaluar. “Pas mbështetjes së parë, urgjente, hapi tjetër do të jetë të ndihma në rindërtimin e objekteve të shkatërruara dhe të dëmtuara. Do të udhëtoj në Shqipëri të mërkurën, me 4 Dhjetor, për të diskutuar konkretisht aktivitetet me kolegët e mi nga Unioni i Dhomave të Tregtisë dhe Industrisë së Shqipërisë dhe përfaqësuesve pergjegjës të Qeverisë shqiptare”, njoftoi Çadezh.
Dhoma e Tregtisë së Serbisë, sipas tij, tashmë ka akorduar nje fond te caktuar për të ndihmuar Shqipërinë dhe u bëri thirrje anëtarëve që të ndihmojnë. Ai shtoi se Dhoma e Tregtisë së Serbisë është në dispozicion të biznesmenëve serbë për çdo informacion shtesë, që ekonomia serbe të sigurojë dhe dergojë ndihmën për ata që kanë më shumë nevojë.
