Month: shkurt, 2020

Në konferencën ndërkombëtare të donatorëve kushtuar Shqipërisë që u mbajt me 17 Shkurt në Bruksel, R.Serbisë kontribuoi me një fond prej 2 milionë euro.

Dje në Bruksel me 17 Shkurt u organizua konferenca ndërkombetare e donatorëve”Sëbashku për Shqiperinë” ku në fokus të saj ishte mbledhja e fondeve për të ndihmuar në rindërtimin e Shqipërise nga pasojat shkatërrimtare të tërmetit të 26 Nëntorit. Në total, vendi yne mori një shumë prej 1.15 miliardë euro,e  cila i kalon edhe vetë pritshmeritë, duke mundësuar kështu një rindërtim të shpejtë të vendit. Edhe vendet fqinje dhanë një ndihmë modeste, ku R.Serbisë kryeson me donacionin prej 2 milion eurosh si dhe ndihma të tjera në teknikë e asistencë njerezore.
Këtë e deklaroi dje në Bruksel edhe kryeministrja e Serbisë Ana Brnabiq duke theksuar se le të sherbejë edhe si mesazh per një të ardhme të përbashket dhe marredhenie të tjera. Gjithashtu kryeministrja Brnabiq tha se Serbia dëshiron të tregoje solidaritet dhe të mbështesë popullin shqiptar.

“Ne kemi punuar shumë për stabilizimin e rajonit dhe për një ndërlidhje më të mire të tij. Më vjen mirë që Shqipëria e ka përqafuar inisiativën e mini-Shengenit. Kjo është edhe një mënyrë tjetër për të treguar se jemi këtu për partnerët tanë, për të gjithë qytetarët e rajonit edhe ateherë kur jemi në vështirësi” tha Brnabiq.

Kremtohet festa zyrtare e R.Serbisë në Tirana Internacional.

Me datën 13 Shkurt në orën 17, në Hotel Tirana Internacional, Ambasada e R.Serbisë në Tiranë, organizoi kremtimin e festës kombëtare të R.Serbisë e cila përkujtohet çdo vit me një ceremoni zyrtare ku rezervohen pritje nga personeli i Ambasadës. Në këtë event të rëndësishem ishin të ftuar personalitete nga jeta politike, ekonomike dhe shoqërore e vendit, deputetë, politikanë, perfaqësues nga atashetë ushtarakë dhe ambasadat e huaja në Tiranë dhe përfaqësues të klerit. Me këtë rast, të ftuar nga ambasada e R.Serbisë ishin ftuar edhe përfaqësuesit e shoqatave të pakicës kombëtare serbe që kanë aktivitet në Shqipëri. Shoqatat që aktivitetin e tyre e ushtrojnë në qytetin e Shkodrës u përfaqësuan nga z.Zoran Hajkoja-Ajkoviq kryetar i shoqatës “Shën Jovan Vladimir” dhe z.Pavlo Jakoja-Brajoviq kryetar i shoqatës “Moraça-Rozafa”. Të ftuar ishin edhe përfaqësuesit e shoqatës “Jedinstvo” nga qyeteti i Fierit me kryetar z.Eqerem Duleviq si dhe kryetari i shoqatës “Skadarlija” me qendër në Tiranë z.Salko Ferezaj. Vlen për tu theksuar se në këtë ceremoni i pranishëm ishte edhe presidenti i R.Shqiperisë z.Ilir Meta.
Ceremonia filloi me intonimin e himneve të të dy vendeve, atij serb dhe shqiptar. Pastaj fjalën e rastit e mbajti ambasadori i R.Serbisë në Tiranë z.Miroljub Zariq. Ai i uroi mirsëardhjen të pranishmëve dhe foli shkurtimisht për historikun e kësaj dite duke u bazuar në fakte nga historia. Gjithashtu z.Zariq shprehu deshirën dhe gatishmërine e shtetit serb për të filluar një kapitull të ri marrëdhëniesh ndërmjet dy popujve, atij serb dhe shqiptar në funksion të paqes dhe prosperitetit dhe integrimit të të dy shteteve në familjen e madhe evropiane. Me këtë rast ceremonial edhe presidenti i R.Shqiperise z.Ilir Meta mbajti një fjalim të shkurtër ku u nenvizua nevoja e pashmangshme për një marrëdhënie më të mirë e gjithëpërfshirëse në dobi të popujve të ballkanit përendimor. Në fund të fjalës së tij z.Meta uroi të pranishmit në tre gjuhë duke e mbyllur me urimin “zhiveli” që në shqip do te thotë “rrofshi”.
Pastaj pritja vazhdoi me koktej dhe biseda ndër të pranishëm deri në ora 21.

Profesori i kursit të gjuhës serbe në Shkodër ndërron jetë papritur në Nikshiq.

Me datën 6 Shkurt ndërroi jetë papritur profesori i kursit të gjuhës serbe në Shkodër z.Svetozar Qirakoviq në moshën 66 vjeçare. Për më shumë se një dekadë ai kë qenë i angazhuar në mbajtjen e leksioneve pranë kursit të gjuhës serbe që organizon shoqata Moraça-Rozafa qysh nga viti 2008. Ai punoi me përkushtim e motivim të madh për vite me radhë në Shkodër duke mësuar një numer të konsiderueshëm nxënësish ku disa prej tyre studiojnë me sukses në universitetet e Beogradit në Serbi.

Për të nderuar figurën dhe kujtimin e tij, të dielën me datën 9 Shkurt një përfaqësi nga komuniteti serb në Shkodër mori pjesë në ceremoninë postmortore nga familja dhe të afermit. Delegacioni kryesohej nga kryetari i shoqatës ortodokse “Shën Jovan Vladimir” z.Zoran Ajkoviq i shoqëruar nga aktivistët e shquar të shoqatës Moraça-Rozafa z.Artur Popaj, Edmir Piraniq dhe Ridvan Smajli. Ceremonia u mbajt ne Ozriniq vendlindja e profesorit ku dhe u bënë edhe nderimet e fundit. Vetëm disa ditë më parë në ceremoninë kushtuar Shën Savës në Shkodër, ai u nderua me diplomën e Shën Savës nga Mitropolia e Malit të Zi. Vdekja e tij është një humbje e madhe në radhë të parë për familjen e tij, por edhe për komunitetin tonë pasi me punën dhe përkushtimin e tij, ai ishte bërë shumë i dashur për ne dhe për të gjithë ata që e njohën. I dashur dhe i nderuar profesor, pushofsh në paqe!

Shoqatat që përfaqësojnë pakicën kombëtare serbe dhe malazeze në Shkodër, festuan ditën e Shën Savës.

Të dielën me datën 2 Shkurt Shoqatat që perfaqësojnë interesat e pakicës kombëtare serbe dhe malazeze në Shkodër dhe Shqipëri, në bashkëpunim me Mitropolinë e Malit të Zi, dhe me bekimin e Kryepeshkopit të Kishes ortodokse shqiptare z.Anastas dhe kryepeshkopit të Mitropolisë së Malit të Zi z.Amfilohije, organizuan dhe festuan solemnisht ditën e Shën Savës në Shkodër.

Liturgjia e Shenjtë në Kishën e shën Trinisë në Vrakë e shërbeu Kryeprifti Arsenije Radoviq, nën shoqerimin e famulltarit të kishës së Vrakës Ivan Popoviq dhe klerikëve Blagoje Rajkoviq dhe Ranko Radonjiq. Në liturgjinë e Shenjtë morën pjesë besimtarë nga Vraka, Shkodra, Mali i Zi dhe Serbia, të cilët u mblodhën rreth emrit të Shën Savës, Shkëlqesia e Tij të Ambasadori i Republikës së Serbisë në Tiranë, z.Miroljub Zariq i shoqëruar nga konsulli z.Dragan Savić, kryetari i Shoqatës “Shën Jovan Vladimir” z.Zoran Ajković, kryetari i Shoqatës “Morača-Rozafa” z.Pavle Brajović, si dhe studentë të klasave të dyta dhe të pesta të Teologjisë së Shën Pjetrit të Cetinjës me profesorët e tyre. Pas marrjes së naforës, Kryeprifti Arsenije Radoviq, pasi uroi festën, u shpreh që të mblidhemi rreth emrit të Zotit dhe Ngushëlluesit të tij të Shenjtë, Shën Savës dhe të gëzohemi me njëri-tjetrin. At Arseni kujtoi gjithashtu fjalët e njohura të Serafim Sarovskit, ‘Krishti u ringjall, gëzimi im’. “Dhe në këtë ditë të bukur edhe ne duhet të gëzohemi dhe t’i lutemi njëri-tjetrit, për tu afruar njëri-tjetrin, sepse nuk mund të bëjmë pa njëri-tjetrin. Shpesh njeriu do që të shkojë vetëm në parajsë. Por nuk ka parajsë që mund të hyjmë të vetëm. Sot njeriu përpiqet të qetësohet, por përsëri ai ka nevojë për fqinjin, kemi nevojë për një mjek. Kjo është arsyeja pse ne vazhdimisht i drejtohemi Krishtit, Perëndisë tonë, si një mjek i trupit dhe i shpirtit, për të na shëruar, për të na çliruar, për të na qetësuar, për të na dhënë të gjitha gjërat e mira që i duhen çdo njeriu. Prandaj, Zoti mund të na shërojë me lutjet e Atit të Shenjtë të Savës sonë që ne sot e festojmë, dhe të të gjithë Etërve të Shenjtë, dhe të bekojë të gjithë ne që të dimë dhe të shohim dhe të ndiejmë se të tjerët duhet të jenë gëzim. Shpirti ynë le të gëzohet, së pari tek Zoti ynë i përjetshëm, tek fqinji ynë, dhe pastaj për të gjithë njerëzit që janë këtu, që janë fqinji ynë, ata që bëjnë vullnetin e Atit tim, thotë Zoti në Ungjill. Të gjithëve, ju uroj shëndet dhe shpëtim, gëzim dhe bekimin e Zotit, që të jemi rreth Shën Savës ”, tha At Arseni.

Pas liturgjisë së shenjtë, festimi i Shën Savës vazhdoi në ambientet e Shoqatës Moraça-Rozafa në Shkodër, me akademinë ceremoniale, në të cilën At Arseni ndau bukën e festës. Fjalën e rastit e mbajti kleriku Blagoje Rajkoviq, profesor i Teologjisë së Cetinjës. Në programin e Akademisë me poezi dhe recitime morën pjesë Nedeljko Ajković, Anabela Musić, Gordana Radović, Bojana Radonjić, Mirjana Radonjić, Stefan Radonjić, studente të Teologjisë së Cetinjës dhe nxënësit e kursit të gjuhës serbe në Shkodër.

Gjatë akademisë, u prezantuan dhe u ndanë edhe diplomat e Shën Savës, me motivacionin për ruajtjen e kulturës dhe traditave serbe dhe trashëgimisë së Shën Savës në Shkodër. Diploma morën z,Pavle Brajoviq, z.Simo Ajkoviq, Ambasadori i Republikës së Serbisë në Shqipëri z.Miroljub Zariq, z.Budimir Dubak, zj.Stojanka Dubak, z.Svetozar Cirakovic, dhe Ymer Stankoviq. Në përfundim të akademisë, të gjithë të pranishmit kënduan himnin e Shën Savës.

Pastaj, u organizua një drekë festive për të gjithë, në të cilën shkrimtari Budimir Dubak, ish-Ministër i Fesë dhe Kulturës në Qeverinë e Republikës së Malit të Zi, falënderoi në emër të fituesve të diplomave të shën Savës. Në emër të mikpritësve, të ftuarit u përshëndetën nga z.Pavle Brajoviq dhe z.Zoran Ajkoviq. Nga Shkodra e lashtë, të pranishmit dërguan një mesazh mbrojtjeje për të gjithë objektet e kultit në Mal të Zi, qofshin ato ortodokse, katolike apo islame, që të gjithë të jetojmë në paqe e harmoni, o Shën Savë na ndihmo.