Month: prill, 2020

Këte vit, besimtarët ortodoksë festuan ringjalljen e Krishtit-Pashkët në izolim.

Këtë të diel me 19/04/2020 si asnjëherë tjeter, në historinë moderne të njerëzimit, të gjithë të krishterët ortodoksë perfshirë edhe komunitetin serb dhe malazez të besimit ortodoks që jeton në Shkodër, festuan ringjalljen e Krishtit-Pashkët nën masa të rrepta izolimi për shkak të pandemisë së koronavirusit. Autoritetet e Shqiperisë, në kuadër të masave kundër kesaj pandemie të panjohur, vendosën që shërbesat fetare të bëhen pa praninë e besimtareve prandaj ceremonitë u ndoqën nga shtëpitë nëpërmjet ekranit. Edhe pse të zbrazëta pa besimtarë, Kishat Ortodokse i kremtuan Pashkët me të njëjtat mesazhe shprese dhe besimi për triumfin e dritës kundër errësirës, te dijes kundër injorancës, të jetës kundër vdekjes si dhe bëne lutje për tejkalimin sa më parë të kësaj situate dhe mposhtjen e koronavirusit.

Në mesazhet e tyre kleriket inkurajuan besimtarët që të mos ndjehen vetëm në këtë ditë të veçantë. Sipas tyre, ortodokset lidhen me Zotin nëpërmjet besimit pasi në duart e tij janë jeta edhe vdekja prandaj i kërkojnë atij që të japë shëndet shpirtëror dhe fizik për të mbrojtur besimtaret dhe jo vetem nga ky hall që u ka rënë në shtëpitë e tyre.

Në Beograd Patriarku Irinej tha se Pashket e këtij viti u festuan në kushte të vështira, në telashe që rrallë i kanë patur në të kaluarën. Në mesazhin drejtuar popullit serb Patriarku theksoi se duhen pranuar dhe zbatuar udhëzimet që japin specialistet e shëndetësisë të cilët kanë njohuri për ketë pandemi. “Eshtë bukur të shkojmë në kishë gjatë festave të mëdha, por ky eshte një moment i vecantë në jetët tona. Mund ti lutemi zotit edhe në shtëpi, në kishën e shtëpisë, sepse është më mirë që mendimet dëshirat dhe zemrën ta kemi të orientuar drej kishës, sesa të jemi në kishë dhe të mendojmë për diçka tjetër. Kjo e para është shumë më e mirë” tha ndër të tjera Patriarku serb.

Sipas traditës së krishterë, Jezusi vdiq në kohën e Pashkës. Lindja, vuajtja dhe ringjallja e tij u paralajmëruan nga profetët e Testamentit të Vjetër, të cilët, siç predikon krishterimi, do të vijnë përsëri për të njoftuar ardhjen e tij të dytë midis njerëzve.

Shoqata ortodokse ”Shën Jovan Vladimir” i uron të gjithë besimtarëve ortodoksë Gëzuar PASHKËT!

Shoqata ortodokse ”Shën Jovan Vladimir” i uron të gjithë besimtarët ortodoksë të komunitetit serb dhe malazez që jeton në Shkodër si dhe besimtarët ortodoksë të Shqipërisë dhe anembanë botës PASHKË të bekuara. Këtë vit si asnjëherë më parë, besimtarët ortodoksë nuk do të mund të kryejnë ritualin e Pashkës në kishë dhe objekte të tjera të kultit, për shkak të pandemise glabale të shkaktuar nga coronavirus. Me dëshirën që kjo situatë të kalojë sa më shpejt, inkurajojmë të gjithë besimtarët që ti përmbahen udhëzimeve, dhe Zoti tu japë durim dhe forcë për të përballuar kufizimet dhe masat parandaluese për përhapjen e epidemise të ndërmarra nga autoritetet e vendit.

Ashtu siç kjo ditë simbolizon triumfin e jetës ndaj vdekjes, dritës ndaj errësirës, të mirës ndaj së keqes, le të jetë kjo një ditë shprese që kjo pandemi të mposhtet sa më parë dhe të kthehemi ne normalitet, një plotësim i dëshirava me të mira për familjet tuaja, një ditë ku paqja ulet te njerëzit këmbëkryq dhe mirësia të lindë si diell në jetën e familjeve tuaja, ashtu siç dhe Hyji ynë Jezu Krisht u rilind dhe do rilindet çdo ditë në zemrat tona.

Krishti u ngjall, me të vërtetë u ngjall.