Month: nëntor, 2020

Letër ngushëllimi me rastin e vdekjes së Patriarkut IRINEJ.

IMG_0057

Kryetarët e Shoqatave që përfaqësojnë pakicën serbe dhe malazeze në Shkodër Shën “Jovan Vladimir” dhe “Moraca-Rozafa” me rastin e ndarjes nga jeta të Patriarkut Irinej i kanë dërguar letër ngushëllimi Ambasadës së Republikës së Serbisë në Tiranë.

Në letrën e dërguar nga kryetari i shoqatës Shën “Jovan Vladimir” z.Zoran Hajkoja-Ajkovic thuhet: Me trishtim të madh, morëm lajmin e hidhur të ndarjes nga jeta të Shenjtërisë së Tij Kryepeshkopit të Pejës, Metropolitit të Beogradit dhe Karlovacit dhe Patriarkut të Serbisë z. IRINEJ. Kjo është një humbje e madhe jo vetëm për popullin tonë serb, por edhe për mbare kishën ortodokse. Ne patëm nderin e madh që ta mirëpresim së bashku me Mitropolitin Amfilohije në një vizitë në kishën “Trinia e Shenjtë” në Vrake në Maj të vitit 2014. Ishte e vetmja vizitë në historinë e re të një Patriarku Serb në Shkodër, dhe ne jemi dëshmitarë të asaj vizite të paharruar. Patriarku IRINEJ do të mbetet në mendimet dhe zemrat tona si një njeri me besim të thellë dhe një rrëfyes i Ortodoksisë.
I përjetshëm qofte kujtimi i Tij !

Ndërsa në letrën ngushelluese kryetari i shoqatës Moraca-Rozafa z.Pavlo Jakoja-Brajovic shkruan: Në emër të shoqatës së pakicës serbo-malazeze “Moraca-Rozafa” shprehim ngushëllimet tona për ndarjen nga jeta te Patriarkut Serb IRINEJ. Me keqardhje morëm lajmin e keq për vdekjen e Shenjtërisë së Tij Patriarkut Irinej. Ky është një lajm shumë i trishtueshëm për të gjithë serbët dhe besimtarët ortodoksët. Ne i shprehim ngushëllimet tona Sinodit të Kishës Ortodokse Serbe  klerikëve, dhe besimtarëve ortodoksë.
Zoti dhe engjëjt le ta mbajnë ne mbretërinë e qiellit!

Ndrron jetë Patriarku IRINEJ.

патријарх

Patriarku i Kishës Ortodokse Serbe, Irinej, ndërroi jetë dje në spitalin ushtarak te Beogradit ne Karaburma, ku u shtrua për shkak të një infeksioni me koronavirus, pasi gjendja e tij shëndetësore u përkeqësua. Kujtojmë se Patriarku Irinej u shtrua në spital për shkak të një infeksioni nga virusi korona më 4 nëntor. Tre ditë më parë, në varrimin e Mitropolitit Amfilohije të Malit të Zi në Kishën e Ringjalljes së Krishtit në Podgoricë, patriarku Irinej mjajti liturgjine e shenjte. Në janar të këtij viti, Kisha Ortodokse Serbe shënoi 60 vjetorin e shërbimit të tij monastik, 45 vjet shërbim peshkopal dhe 10 vjet në pozicionin e kreut të saj. Me atë rast, Irinej pat deklaruar se “ne jetojmë në një kohë kur nuk është e lehtë të jesh në një pozitë të lartë, kështu që nuk është e lehtë të jesh patriark”, por që ai u përpoq dhe bëri gjithçka që ishte në mundësinë e tij për të udhëhequr Kishën në rrugën e duhur. Patriarku Irinej (Gavrilović) lindi në vitin 1930 në fshatin Vidovi afër Çačak. Shkollën fillore e kreu në fshatin e tij të lindjes, dhe më pas shkollën e mesme në qytetin Çaçak. Pasi perfundoi seminarin e Prizrenit, vazhdoi studimet në Fakultetin e Teologjisë në Beograd ku dhe u diplomua. Pas përfundimit të shërbimit ushtarak, ai u emërua zëvendës (profesor) i seminarit të Prizrenit. Para se të merrte detyrën si profesor në tetor 1959, në manastirin e Rakovicës, ai mori gradën nga Patriarku Serb German, duke marrë emrin monastik Irinej. Në ditën e së Premtes së Shenjtë të të njëjtit vit, ai u shugurua ne jeromonah në kishën e Ružica në Kalemegdan.
Ndërsa shërbente si profesor në Seminarin Teologjik të Prizrenit, ai vazhdoi studimet pasuniversitare në Athinë. Nga ku u emërua drejtor i Shkollës Monastike në manastirin Ostrog në 1969, Me pas u kthye në Prizren në pozicionin e rektorit të seminarit të famshëm. Nga ai pozicion, në 1974, ai u zgjodh vikar i patriarkut serb me titullin ipeshkëv i Moravicës, ndërsa ipeshkëv i Nishit u zgjodh në vitin 1975.
Në fronin e Shën Savës u ul në fund të janarit 2010 në Katedralen e Beogradit si kreu i 45-të i Kishës Ortodokse Serbe dhe më pas ai u fronëzua në Patriarkanën e Pejës. Patriarku serb Irinej mbushi 90 vjeç në gusht të këtij viti. me kete rast Ai mori urime nga kreu i Kishave Ortodokse Ruse, Rumune dhe Çeke, nga Papa Françesku, si dhe nga dy presidentët – e Serbise dhe Rusise, dhe nga  Princi i Kurorës Aleksandër Karagjorgjeviç.

Për ne komunitetin serbomalazez që jetojmë në vatrat shekullore në Shkoder, vizita që ai bëri, me date 31 maj, te vitit 2014 do të mbetet e paslyeshme në kujtesën tone. Në vitin 2014, për herë të parë në histori, një patriark serb vizitoi kishën e “Trinisë së Shenjtë” në Vrakë pranë Shkodrës. Gjate kesaj vizite Shenjtëria e Tij Patriarku Serb Irinej ishte i shoqëruar nga Mitropoliti i Malit të Zi dhe i Bregdetit, z. Amfilohije dhe Metropolitani Beratit z. Ignatius i Kishës Ortodokse Shqiptare. Me të hyrë në tempull, Shenjtëria e Tij Patriarku i Serbisë z. Irinej, u përshëndet nga Mitropoliti i Beratit, z. Ignatius, në emër të Sinodit të Shenjtë të Kishës Ortodokse Shqiptare dhe Lumturisë së Tij Kryepeshkopit të Tiranës z. Anastas, i cili e falënderoi Patriarkun Serb për ardhjen në Shqipëri dhe për pjesëmarrjen në festimet shpirtërore në Vrakë dhe Tiranë.
Pasi i uroi mirëseardhjen besimtarëve të mbledhur, Patriarku Irinej tha me këtë rast se “Kjo është një dhuratë dhe hir i madh i Zotit për mua, për të vizituar këte toke të mrekullueshme, për të vizituar këtë kishë të mrekullueshme, dhe ju vëllezër dhe motra që i përkisni Kishës Ortodokse të Shenjtë, një familje e madhe Ortodokse. njerëzit. Unë vij në emër të Kishës sonë të Shenjtë Ortodokse Serbe për t’ju përshëndetur dhe për t’ju përcjellë përshëndetjet e Kishës dhe popullit tonë, juve që jetoni këtu në këtë zonë. Ne jemi një familje e madhe, e krishterë, ortodokse, dhe pa marrë parasysh se në cilat vende jetojmë, ne jemi një familje shpirtërore dhe qëllimi ynë është të afrohemi dhe të bashkohemi me Zotin tonë. Dhe kur jemi të bashkuar me Zotin, atëherë jemi afër njëri-tjetrit. Ju jetoni në këtë vend të bekuar, ortodoksë, katolikë edhe vëllezërit myslimanë jetojnë këtu, megjithëse ne i përkasim feve të ndryshme, ne jemi populli i Zotit. Zoti na krijoi të gjithëve dhe ne të gjithë jemi të detyruar dhe të thirrur të lavdërojmë Zotin në mënyrën që na mëson besimi. Mbani Besimin e Shenjtë Ortodoks. Prej atëherë e deri më sot, dhe ne shpresojmë që në të ardhmen kisha jonë e shenjtë të ekzistojë këtu, se ajo do të proklamojë të vërtetën e Ungjillit të Shenjtë dhe se do të na mësojë t’i lutemi Zotit dhe të respektojmë dhe nderojmë njëri-tjetrin ashtu siç dëshiron Zoti. Ju uroj të gjitha të mirat dhe bekimet e Zotit, përmes këtij tempulli të mrekullueshëm të shenjtë, të derdhen mbi familjet tuaja dhe fëmijët tuaj dhe mbi të gjithë ju që i afroheni Zotit në tempullin e shenjtë me besim dhe dashuri. Bekimi i Zotit ju shoqëroftë të gjitha ditët e jetës suaj. Amin, Zoti na ruajt”, tha Patriarku i Shenjtërisë së Tij Irinej në predikimin e tij.

Pas vdekjes së Mitropolitit Amfilohije, kjo është një humbje shume e madhe për Kishën Ortodokse Serbe, popullin Serb dhe Krishterimin në tërësi.

Perfaqesuesit e komunitetit serb dhe malazez ne Shkoder i japin lamtumiren e fundit Shenjterise se Tij Mitropolitit Amfilohije Radoviq.

IMG_0002

Te dielen me daten 1 Nentor perfaqesuesit e shoqatave te komunitetit serb dhe malazez ne Shkoder moren pjese ne funeralin e permortshem ne Podgorice kushtuar hiresise se tij Mitropolitit Amfilohije. Per te bere nderimet e fundit klerikut me te larte ne Mal te Zi nga shoqata Shen “Jovan Vladimir” shkuan kryetari i kesaj shoqate z.Zoran Hajkoja-Ajkoviq i shoqeruar nga sekretari i saj z. Viktor Mishcenko. Ndersa shoqata e pakices kombetare serbo-malazeze u perfaqesua nga kryetari i saj z.Pavlo Jakoja-Brajoviq i shoqeruar nga sekretari z.Artur Popaj-Popoviq dhe aktivistet Ymer Ymeri-Stankoviq, Veselin Matanoviq, Edmir Piraniq dhe Gani Mucmeraj. Mitropoliti i Malit të Zi, Amfilohije, ndërroi jetë me 30 tetor në Qendrën Spitalore Klinike të Malit të Zi në orën 8.20 të mëngjesit.

“Të premten, 30 Tetor 2020, në orën 8:20 të mëngjesit, në Qendrën Spitalore Klinike të Malit të Zi, pasi mori Sakramentin e Shenjtë të Kungimit, Kryepeshkopi më i Shenjtë i Cetinjes, Metropolitani i Malit të Zi Amfilohije, ndërroi jetë”, shkruhet në faqen zyrtare te Mitropolise se Cetinjes.
Ai u trajtua në Qendrën Spitalore Klinike të Malit të Zi në Podgoricë, ku u shtrua më 6 tetor për shkak të përkeqësimit të gjendjes së shkaktuar nga koronavirusi. Megjithëse kishte qenë negativ për koronavirusin që 10 ditë, ai pati pneumoni dhe shëndeti i tij u përkeqësua papritmas disa ditë më parë, me gjithe perpjekjet e jashtezakonshme te te gjithë ekipit mjekësor.
Vdekja e Hiresise se Tij eshte nje humbje shume e madhe per kishen serbe dhe te gjithe besimtaret ortodokse. Mitropoliti Amfilohije ka dhene nje ndihmese te madhe per organizimin dhe kremtimin e festave fetare ortodokse dhe shume here ka vizituar komunitetin tone ne Shkoder duke dhene mesazhe paqeje dhe harmonie. Nen bekimin e Tij qysh nga viti 1992 per gati 30 vjet me radhe jane organizuar dhe kremtuar Krishtlindjet dhe Pashket si dhe festa te tjera te besimtareve ortodokse ne Shkoder e Vrake.
Me bekimin e Tij jane akorduar bursa vjetore per studentet e pakices tone pa dallim feje te cilet ndjekin studimet e larta ne universitetet e Beogradit.

I perjeteshem qofte kujtimi i Tij! Pushofsh ne paqe!

IMG_0004 IMG_0005

Kontakt

Shoqata ortodokse sllave ” Shen Jovan Vladimir Adresa: L. Vasil Shanto, rr. At Shtjefen Gjecovi, Shkoder, pallati i ri, Albania Tel: +355666566340, +355682085225 E-mail: pravoslavlje.skadar@gmail.com
Copyright (C) 2014, Shoqata Identitet | Faqe Interneti nga Interweb.al sh.p.k