Aktivitete

Besimtarët ortodoksë të pakicës kombëtare serbo-malazeze kremtuan festën më të madhe të krishtere- Pashkët.

IMG-a0d9c8ef2f0e54838a5548aff1a76c94-V-640x480

Të dielën, me datë 28 prill besimtarët ortodoksë të pakicës kombëtare serbo-malazeze kremtuan festën më të madhe të krishterë Pashkët-Ringjalljen e Krishtit, ditën kur Jezu Krishti sipas besimit të krishterë, dëshmoi fuqinë e tij hyjnore dhe u ringjall nga të vdekurit. Kjo festë është bashkim i besimit dhe traditës, e kultivuar ngaherë , dhe fillon të Premten e Madhe kur amvisat ngjyrosin vezët e para të Pashkëve.
Me shprehjet “ Krishti u ngjall, me të vërtetë u ngjall” besimtarët ortodoksë të pakicës serbo-malazeze festuan atë që njihet si moment i veçantë i besimit, ringjalljen e Krishtit tre ditë pas vdekjes i kryqëzuar, një simbolikë për rilindjen e shpresës, kalimin nga e përkohshmja në të përjetshmen dhe çlirimin nga mëkati, përmes forcimit të besimit te Zoti . Besimtarët ndezën qirinj, me simbolikën e marrjes nga drita e Perëndisë, ndërsa e kuqja e vezëve që i dhurohen njëri-tjetrit ka një tjetër simbolikë, atë të sakrificës së Krishtit.
Liturgjia e shenjtë u mbajt si zakonisht në kishën e Shën Trinisë në Vrakë nga famullitari i kishës së Podgoricës protojerej Predrag Shqepanoviq i cili erdhi nga Podgorica enkas për këtë ditë me bashkëshërbimin e klerikut të Kishës Ortodokse Autoqefale të Shqipërisë Ivan Popoviq. Pas përfundimit të liturgjisë protojerej Predrag Shqepanoviq mbajti një fjalim të shkurtër ku uroi edhe një herë të gjithë besimtarët e pakicës serbo-malazeze që jeton në Shkodër dhe Vrakë ditën më të shënuar të besimit kristian duke shprehur dëshirën për bashkëjetesë e tolerancë/
Në fund për delegacionin nga Mali i Zi u shtrua dreka solemne e Pashkëve.

Festohet dita kombetare e Republikes se Serbise ne Tirane

zastava-srbije

Te henen me 18 Shkurt ne hotel internacional Tirana Ambasada e R. Serbise ne Tirane, organizoi kremtimin e festes se Republikes se Serbise. Me kete rast ishin te ftuar personalitete te larta nga sfera te ndryshme te jetes politike, ekonomike dhe shoqerore te vendit, perfaqesuas te korit diplomatik e te te tjere. Ne kuader te kesaj dite, te ftuar ne kete event te rendesishem ishin edhe perfaqesuesit e shoqatave te pakicave serbe qe kontribuojne ne vend. Nga shoqata serbomalazeze i ftuar ishte kryetari i saj z.Pavlo Jakoja-Brajovic me stafin e tij, nga shoqata ortodokse “Shen Jovan Vladimir” kryetari i saj z.Zoran Hajkoja-Ajkoviq, nga shoqata serbe “Jedinstvo” i ftuar ishte kryetari i saj z.Eqerem Duleviq me bashkepunetoret. I pranishem ne kete ceremony ishte edhe kryetari i shoqates “Skadarlija” z.Salko Ferezaj-Brajoviq e cila u themelua para pak kohesh ne Tirane.
Ceremonia filloi me intonimin e himneve te te dy shteteve dhe me pas fjalen e rastit e mbajti ambasadori i R.Serbise ne Tirane z.Miroljub Zariq. Ne fjalen e mbajtur ekselenca e tij falenderoi te gjithe te pranishmit per pjesemarrjen dhe uroi per marredhenie sa me te aferta dhe miqesore midis dy vendeve. Fjala e tij u duartrokit nga te pranishmit. Ceremonia zgjati rreth 2 ore dhe kaloi ne nje atmosfere miqesore ku zhvilluan biseda te lira midis pjesemarresve te shumte.

Urim me rastin e festës kombëtare të Republikës së Serbisë

dan_drzavnosti

Me rastin e ditës së Republikës së Serbis, Shoqata ortodokse “ Shën Jovan Vladimir”, Shoqata e pakicës kombëtare Serbo-Malazeze “ Moraça-Rozafa” dhe shoqata “ Skadarlija” i urojnë të gjithë bashkëatdhetarëve dhe udhëheqjes së Republikës së Serbisë, si dhe të gjithë Serbëve në botë festën e republikës së shtetit tonë amë, Republikës së Serbisë.
Në të njëjtën kohë, në këtë ditë i drejtojmë dhe dëshirat më të sinqerta për një Serbi të prosperuar dhe të begatë të të gjithë qytetarëve të saj brenda dhe jashtë saj, si një shtëpi e të gjithë njerëzve tanë kudo që të ndodhen , e cila do të kujdeset për të gjithë ata dhe interesat e tyre. Dëshirat dhe urimet tona shkojnë gjithashtu për arritjen e zgjidhjeve të rëndësishme për zhvillimin e saj dhe avancimin e saj në rrugën e integrimeve europiane.

Kremtohet festa e Shën Savës në Shkodër

IMG-eab8a3395a29c4610dfc17ac8d3ac005-V-480x640

Me bekimin e Hirësisë së tij, Kryepeshkopit të Tiranës dhe të gjithë Shqipërisë z. Anastas dhe të Mitropolitit të Malit të Zi, z. Amfilohije, të dielën, në kishën e Shën Trinisë në Vrakë u kremtua festa e Shën Savës, kryepeshkopit dhe shenjtorit të parë serb nën drejtimin e protojerej Predrag Shqepanoviq drejtuesi i kishës së Podgoricës , me bashkëshërbesën e Zlatko Vasic, drejtuesit të kishës së Zetës dhe priftit Ivan Popovic, klerik i Kishës Ortodokse Shqiptare, me pjesëmarrjen e besimtarëve nga Vraka dhe Shkodra.

Atë Predrag gjatë fjalës së rastit falenderoi për bekimin Kryepeshkopin Janullatos për mundësinë për të shërbyer në këtë tempull. Ai gjithashtu foli për misionin apostullor të Shën Savës.

“ Shën Sava i donte të gjithë njerëzit. Ai i takon popullit serb, por i takon dhe popujve të tjerë dhe të gjithë njerëzve me vullnet të mirë. Shkodra është sintezë kulturash, vendesh të shenjta, fatesh njerëzore, të trishtueshme dhe të gëzueshme. Këtu kanë kaluar shumë luftëtarë, shumë perandori kanë rënë, ka pushuar daullja e luftrave të lashta, por ka mbetur historia e Shkodrës si një qytet i shenjtë i vendeve të shenjta. Nuk i ka mbuluar errësira, por jetojnë në shpirtrat tuaj që jetoni në Shqipëri” , tha atë Predragu.

“ Sot jemi këtu duke festuar Shën Savën dhe duke thirrur për të na bekuar tokat, livadet si dhe njerëzit e shtëpisë. Paçi bekimin e Sveti Savës dhe le tju sjellë ai momentet më të bukura të gëzimit dhe dashurisë” , përfundoi atë Predrag Shqepanoviq.

Në fund të liturgjisë, përfaqësuesit e Mitropolisë ndanë për besimtarët dhe fëmijët dhuratat e festës.

Më pas, u organizua dhe tryeza e dashurisë vëllazërore në të cilën morën pjesë përfaqësuesit më të lartë të shoqatës Ortodokse “ Shën Jovan Vladimir” dhe shoqatës së minoritetit Serbo-Malazez “Moraça-Rozafa”, Simo Ajkoviq dhe Pavlo Brajoviq.

Paqja e Zotit qoftë me ju- Krishti u lind, me të vërtetë u lind

49592350_304620380073571_4905249446880608256_n

Festa me e gëzueshme kristiane, Lindja e Zotit Jezu Krisht, edhe këtë vit u festua me lutje në kishën e Shën Trinisë në Vrakë afër Shkodrës, vendi I lutjes dhe i ku grumbullohet populli ynë që jeton në Shkodër.
Festa Krishtlindjes Ortodokse filloi me dt. 6 Janar në ditën ne ndezjes së drunjve me grumbullimin e tyre pranë zjarrit të ndezur në oborrin e kësaj kishe. Ndërsa më ditën e lindjes, më 7 Janar, me bekimin e Kryepeshkopit të Tiranës dhe të gjithë Shqipërisë z. Anastas Janullatos dhe Mitropolitit të Malit të Zi Amfilohije Radoviq, në këtë kishë shërbyen së bashku priftërinjtë e të dy kishave, nën udhëheqjen e atë Predrag Shqepanoviq dhe me ndihmesën e klerikut të kishës ortodokse shqiptare, Ivan Popoviq, si dhe atë Nikolla Petani, prifti i kishës së Shkodrës. Pas shërbesës së liturgjisë së shenjtë dhe kungimit të besimtarëve, atë Shqepanoviq I uroi përzemërsisht besimtarëve festën duke u shprehur:
“ Lavdia le të jetë në lartësinë e Zotit, ndërsa në tokë le të sundojë paqja dhe dëshira e mire midis njerëzve. Me të vërtetë u lind, vëllezër e motra.
Ai u lind si një fëmijë I dobët, ai që krijoi malet, fushat e detet. Të gjitha këto Zoti I dashur I krijoi për ne dhe për shpëtimin tonë. U lind në një stallë, nuk u lind në sarajet e arta as në kështjella që të varfërit të mos thonin që është larg nga ne, që është pasanik. Dhe që nga dita e tij e lindjes e deri tani, I pasur është vetëm ai që e ka në zemër Zotin. Prandaj Krishtindjet janë përqafimi i Zotit dhe njeriut, prandaj Zoti kaloi gjithë atë rrugë, që të bëhej Zoti që sot është me ne. Prandaj lindja e tij e ndryshoi njerëzimin dhe historinë njerëzore nga themelet. Ai u bë njeri pikërisht për të fituar ndaj vdekjes, e cila gjithmonë e ka mbajtur njerëzimin në kanxhat e saja.
Prandaj kjo është dhe festa më e gëzueshme. Festa në të cilën Zoti bëhet një nga ne dhe që të na përqafojë me atë përqafim të përjetshëm. Prandaj ne që jemi të pagëzuar në emër të Atit, Birit e Shpirtit të Shenjtë, jemi veshur me petkun e Krishtit. Le të jenë të bekuar të gjithë ata që duke agjëruar dhe me lutje janë përgatitur për këtë kungim, sepse ata të gjithë e kanë pare kalimin e Zotit në këtë botë, duke u bërë njeri.
Kjo është datëlindja e të gjithë njerëzve në tokë, nëse nuk duam Zotin, nuk do jemi në gjendje të duam as vellezërit tanë që I kemi afër. Prandaj ne jemi dhe vëllezër të Përjetshëm, sepse dhe Zoti u bë njeri për ne. Prandaj le të jetë e bekuar kjo ditë, këto fusha dhe livade, ky liqen, malet dhe këto vise të bukura. Sepse të gjitha këto janë krijuar nga Zoti ynë I dashurisë, Jezu Krishti, shpëtimtari I njerëzimit dhe botës së tërë.
Le tju ngrohë dashuria e tij , dashuria me të cilën u ngroh I sapolinduri në atë shpellë të Betlehemit, sepse edhe atëherë ishte ftohtë. Edhe sot është ftohtë por në zemrat tona është dashuria e tij që na ngroh. Le të jetë dashuria e Krishtin ajo atmosferë që ju do të merrni brenda jush, le tju sjellë në vatrat tuaja momentet më të mira, fatlume, unitetit, dashurisë dhe të jetoni në qetësi dhe dashuri me vëllezërit tuaj Shqiptarë dhe me të gjithë njerëzit që jua duan të mirën. Këtë na këshillon Zoti ynë i dashur, Zoti që u bë njeri për të na bërë ne Zotër.
Ju bekoftë Zoti dhe tju ruajtë familjet dhe fëmijët tuaj. Paqja e Zotit qoftë me Ju, Krishti u lind- Me të vërtetë u lind.
Pas fjalimit, të gjithë të pranishmëve, dhe sidomos fëmijëve iu shpërndanë dhuratat e përgatitura nga Mitropolia e Malit të Zi.
Pas liturgjisë në tempullin e Trinisë së Shenjtë në Vrakë gjithë të pranishmit i përshëndeti Z. Simo Ajković, President i Shoqatës së ortodokse Sveti Jovan Vladimiri, i cili tha: “Të dashur vëllezër dhe motra, në këtë drekë vëllazërore Ju uroj nga zemra Gëzuar Krishtlindjet në këtë drekë vëllazërore. Ne u mblodhëm në kishën tonë, ku degjuam dhe priftërinjtë tanë se si të sillemi me njeri tjetrin, si ti shërbejmë Zotit dhe si të jemi në unitet me njëri-tjetrin dhe të ndihmojmë njëri tjetrin gjithmonë në rast nevoje.
Në emër të Shoqërisë së Shën Jovan Vladimir, përshëndes të gjithë besimtarët tonë ortodoks të cilët festojnë Krishtlindjet sipas kalendarit Julian. Ky është një nder i madh për ne, sepse ne jemi të veçantë në Shqipëri por për këtë neve nuk na është dhënë ditë pushimi në Shqipëri. Dhashtë Zoti tek autoritetet në Shqipëri dhe të mendojnë për ne dhe të kemi të njëjtat të drejta si të tjerët në aspektin e festimit të festave.
Shfrytëzoj rastin që të uroj dhe në këtë ditë ditëlindjen e Mitropolitit Amfilohije i cili sot feston 81 vjetorin. Le ta gëzojë dhe i urojmë për shumë vite jetë të lumtur dhe përkrah nesh. Për të gjithë vëllezërit dhe motrat e mia uroj që gjithmonë të mblidhemi në kësi rastes, në paqe lumturi dhe begati. Gezuar.
Në emër të delegacionit të mitropoli të Malit të Zi të pranishmit i falenderoi dhe atë Predrag Shqepanoviq dhe tha:
“Sytë, vëllezërit dhe motrat. Perëndia në këtë ditë përqafoi njeriun dhe na dërgoi një mesazh që ne kemi nevojë për të përqafuar me njëri-tjetrin, sepse ajo është më e thellë e vërtetë: “Unë pashë vëllanë tim, pashë Perëndinë.” Një fjalë e vjetër serbe thotë: “Nëse doni të jetoni, mbillni një fushë. Nëse dëshironi që dicka të jetojë për dekada , mbillni një vresht. Nëse doni të leni diçka pas jetës tuaj, shkruani një libër. Dhe nëse doni diçka të përjetshme për të bërë, ndërto një kishë. ” Kështu, më shumë se njëzet vjet me rradhë qyteti i lashtë të Shkodrës, i cili mban shumë histori, përsëri na hapi zemrën e tij dhe shpirtin e tij. Ne falenderojmë edhe një herë Fortlumturinë e tij Januallatos që na mundësoi dhe shërbesën në këtë ditë dhe falenderoj gjithashtu atë Ivan Popovic nga Shkodra i cili shërbeu dhe festoi bashkë me ne sot.
Të pranishmit gjithashtu përshëndetën z. Pavle Brajoviq-Jakoja, kryetar i shoqatës Moraca-Rozafa, i cili tha:
“Krishti ka lindur. Unë do të doja të flas dy disa fjalë, në këtë ditë të sotme, e Krishtlindjeve, e cila është një nga ditët më të rëndësishme të vitit fetar që ne festojmë në Shkodër. Të gjithë opinioni publik duhet të dinë se ne në Shkodër nuk jemi braktisur, nuk jemi lënë në mëshirë të fatit, por luftojmë të mbijetojmë dhe për këtë na ka ardhur në ndihmë dhe Hirësia e Tij Mitropoliti Amfilohije i Malit të Zi, bashkë me bashkëpunëtorët e tij.
Ata na japin aftësinë dhe forcën për të përballuar disi dhe të mbijetojmë dhe në Shkodër, në të cilë nuk ndjehemi të harruar. Me këtë rast, unë uroj hirësinë e Tij për ditëlindjen. U bëftë edhe 100 me bekimin e perëndisë, ai dhe të gjithë njerëzit e rreth tij.
Në jetën tonë këtu në Shkodër ka vështirësi, dhe ata që eksplorojnë dhe të flasin dhe për ne besojnë se ne jemi këtu me të varfërit, le ta dinë se ne jemi të pasur në komunitet dhe në besim.
I përshëndes priftërinjtë dashur dhe delegacionin e Mitropolisë së Malit të Zi dhe Bregdetit, falenderoj ata dhe të gjithë ata që kontribuan që kjo festë zyrtarisht të festohet për vite në qytetin e lashtë të Shkodrës- tha Pavlo Jakoja.
Gjatë drekës të pranishmit kënduan këngë tradicionale, Serbe, Malazeze dhe Shkodranë në një atmosferë vëllazërore.

Pjesëmarrje në ceremoninë përkujtimore e përfaqësuesve e Shoqatave Serbe me rastin e 100 vjetorit të përfundimit të Luftës së Parë Botërore

IMG-6ada0accc33b72337f5674c7acef1583-V-640x480

Me rastin e përfundimit të 100 vjetorit të përfundimit të Luftës së Parë Botërore, me ftesë të Ambasadës së Republikës së Serbisë në Tiranë, më dt. 11 Nëntor,  përfaqësuesit e shoqatave serbe “ Moraça-Rozafa”, “ Jedinstvo” nga Fieri dhe shoqatës Ortodokse “ Shën Jovan Vladimir” morën pjesë në ceremoninë e vendosjes së kurorave me lule për ushtarët e ushtrisë serbe të rënë në këtë luftë  të cilët prehen në varrezat e qytetit të Tiranës.

Në këtë ceremoni përkujtimore në nder të kujtimit të të rënëve, mori pjesë dhe Ambasadori i Republikës së Serbisë në Tiranë, z. Miroljub Zariq dhe stafi i Ambasadës. Nderimet dhe kurora me lule për shërbimin e të rënëve ndaj atdheut dhe pakicës sonë vendosën në emër të shoqatave respektive , z. Pavlo Brajoviq, Eqerem Duleviq dhe Simo Ajkoviq.

Pas ceremonisë,  me ftesë të Ambasadorit Zariq, të gjithë pjesëmarrësit në këtë komemorim vizituan Ambasadën e Serbisë në Tiranë ku dhe sipas traditës u organizua një pritje vëllazërore.

Në Cetinjë kremtohet festa e manastirit të Cetinjës dhe Mësonjëtores

DSC_0539-1024x682

Me liturgjinë e shenjtë arkipeshkopale, bekimin e bukës së festës dhe me mbajtjen e akademisë shpirtërore të festës, në Cetinjë sot, me datë 31 tetor u kremtua festa e Apostujve të Shenjtë dhe evangjelistëve Luka dhe Shën Pjetrit të Cetinjës, festa e kryqit e Manastirit të Cetinjës dhe Mësonjëtores së Shën Pjetrit të Cetinjës.
Një grup prej tridhjetë besimtarësh ortodoksë nga Shkodra dhe Vraka, pjesëtarë të popullit tonë mori pjesë në këtë festë të rëndësishme të udhëhequr nga priftërinjtë e kishës ortodokse të Shkodrës Aleksandër dhe Nikola Petani. Ata bashkëshërbyen në liturgjinë e Shenjtë të Zotit, të cilën e mbajtën Hirësia e Tij Mitropoliti i Malit të Zi, Amfilohije, edhe arqiepiskopët: Joanikije të Nikshiqit, të Prizrenit dhe Rashkës Teodosije, të Hercegovinës Dimitrije dhe episkopin e Buenos Ajres-it Kiril , të Diokletisë Metodije dhe Atanasije.
Në fjalimin e tij pas leximit të Dhjatës, vladika Teodosije theksoi se populli festoj tre shenjtorë, Shën Lukën, Shën Pjetrin e Cetinjës dhe Shën Pjetrin e dytë Parashikuesin, si apostuj të Krishtin dhe barinj të vërtetë të cilët e ushqyen besimin e njerëzve me Dhjatën e re. Shën Pjetri e mbrojti librin e shenjtë në kohët më të vështira dhe inkurajoi dhe të tjerët të qëndrojnë në rrugën e Krishtit-rrugën e Kryqit dhe që të fitojnë në fund ndaj atyre që konsideroheshin të pamposhtur. Ai tha se në kohët e vështira që jetojmë, besimtarët vetëm Zotit mund ti drejtohen për ndihmë. Ai shtoi se edhe Shën Pjetri i Cetinjës shprehte se pendimi është e fillimi i jetës së re tek Krishti, themel i çdo gjëje që duhet për të marrë Mbretërinë e përjetshme të Krishtit-Mbretërinë e Qiellit.
Peshkopi i Prizreni dhe Rashkës Teodosije bëri thirrje që të ndjekim shembullin e shenjtorëve tanë në rrugën e Krishtit dhe të përqafojmë kryqin e Krishtit. Ai shpjegoi se nuk duhet të frikësohemi nga vdekja dhe rikujtoi shpëtimin e popullit të Izraelit nga Egjipti duke theksuar se ata nuk kanë qënë të fuqishëm për të realizuar qëllimin e tyre dhe të fitojnë ndaj armikut më të fuqishëm, por atë e beri Zoti sepse besonin tek ai dhe Zoti nuk e braktis popullin e vet.
Mitropoliti i Malit të Zi, Amfilohije tregoi gjatël fjalës së tij se çdo shërbesë ndaj Zotit është popullore sepse Kisha dhe Liturgjia mbledhin të gjithë, Shpirtin e Shenjtë, Zotin dhe Birin e tij, dhe rreth tyre të gjithë ata që janë pagëzuar në emër të Zotit. Ai lajmëroi se me 11 Nëntor në ditën kur përfundoi dhe Lufta e Parë Botërore, në të gjithë tempujt e Mitropolisë do të bien këmbanat në kujtim të fitores së të mirës, dashurisë, të vërtetës së Zotit ndaj të keqes, urrejtjes dhe krimeve.
Pas shërbimit të Liturgjisë së Shenjtë u bekua dhe Buka e Festës në Manastirin e Cetinjës dhe pas kësaj festa vazhdoi dhe në mësonjëtoren e Cetinjës ku u organizua dhe akademia shpirtërore e festës.

 

Në selinë e shoqatës Moraça-Rozafa rifillon kursi i gjuhës serbe

275px-Српска_азбука_(Times_New_Roman).svg

Të premten, me 14 Shtator, në selinë e shoqatës Moraça-Rozafa rifilloi mësimi i gjuhës serbe nëpërmjet kursit të gjuhës me elementet e identitetit kombëtar. Ky kurs, si e vetmja formë e mësimit të gjuhës amë, mbahet pa ndërprerje që nga marsi i vitit 2008, dhe gjatë gjithë këtyre viteve numri i nxënësve që ndjekin këtë kurs është në rritje. Kursi është bashkëfinancuar nga Zyra për Bashkëpunimin me Diasporën dhe Serbët e rajonit të Republikës së Serbisë me bashkëpunimin shumëvjeçar dhe nën organizimin e shoqatës “Moraça-Rozafa”. Gjithashtu, një kontribut të rëndësishëm për zhvillimin e suksesshëm të tij gjatë gjithë këtyre viteve ka dhënë dhe Mitropolia e Malit të Zi dhe Fortlumturia e Tij, Mitropoliti Amfilohije.

Lektori kryesor nga fillimi është profesori i gjuhës serbe nga Nikshiqi, z. Svetozar Qirakoviq me asistimin e dy ndihmësve të cilët janë dhe njohës të mirë të gjuhës shqipe, me qëllim që nxënësit të përvetësojnë sa më mirë e sa më lehtë gjuhën serbe. Mësimi mbahet 2 herë në javë, të premten dhe të shtunën, ndërsa nxënësit janë të ndarë sipas moshave dhe nivelit të dijes së gjuhës. Pavarësisht  vështirësive dhe sfidave të kohës, Shoqata “ Moraça-Rozafa” ka arritur që të sigurojë mbarëvajtjen e kursit të gjuhës serbe, i cili ka një rëndësi të veçantë për pjesëtarët e pakicës serbo-malazeze të cilët për shekuj me rradhë jetojnë në Shkodër.

Rifilloi emisioni i lajmeve në gjuhen serbe në televizionin lokal Tv-Kopliku

IMG-61f61eadc3919ec54aaa1080bfc12b06-V-540x432

Sot rifilloi emetimi i lajmeve në gjuhen serbe në televizionin lokal Tv-Kopliku. Ky emision mundësohet nga bashkëfinancimi i Ministrisë së Kulturës së R.Serbisë. Eshte viti i pestë pandërpreje që ky transmetim realizohet nga bashkëpunimi i Ministrisë së Kulturës së R.Serbisë me shoqaten e pakices serbo-malazeze Moraça-Rozafa në Shkodër. Është përcaktuar që emisioni të transmetohet çdo të shtunë nga ora 19:00 deri në orën 20:00 dhe ritransmetimi të bëhet të dielën nga ora 13:00 deri në 14:00.

Qëllimi kryesor i këtij bashkëpunimi shumëvjecar midis Ministrisë së Kulturës dhe shoqatës “Moraca-Rozafa” është rritja e informimit në gjuhën serbe për pjesëtarët e popullit serb në Shkodër, e mundësuar nga hapësira e madhe të frekuencave të këtij televizioni si dhe ruajtja dhe promovimi i gjuhes serbe si instrument per forcimin e identitetit dhe perkatesise nacionale.

Ky emision përveç lajmeve, në gjysmën e dytë të tij shfaq dokumentarë, këngë dhe muzikë nga folklori i popullit Serb, si dhe përbajtje historike dhe kulturore mbi popullin tonë. Vlen të përmendet që per realizimin e këtij projekti punohet me shumë pasion nga ana e gazetarëve të cilët jane aktivistë të shquar të shoqatës Moraca-Rozafa dhe stafit te Tv-Koplikut që është shumë i predispozuar të japë kontributin e vet në realizimin e këtij transmetimi .
Kohëzgjatja e emetimit te tij do të jetë deri në fillim të muajit dhjetor duke shpresuar që në një të ardhme të afërt ky emision të jetë i përjavshem dhe pa shkeputje në kohë.

Pjesëmarrje në festivalin folklorik në Leposaviq

IMG_4300-2-150x150

Delegacioni i shoqatës Serbo-Malazeze „ Moraça-Rozafa”mori pjesë në festivalin folklorik “ Sabiraj se golem zbore”, te krijimtarisë popullore dhe traditës kulturore të popullit serb, i cili u mbajt në Leposaviq.

Me ftesë të organizatorëve të këtij manifestimi kulturor që përfshin të gjithe serbët që jetojnë në rajon, shoqata “Moraca-Rozafa” u përfaqesua nga një delegacion i kryesuar nga kryetari i kësaj shoqate z.Pavlo Jakoja-Brajoviq. Ky Festivali organizohet çdo vit nën kujdesin e bashkisë së qytetit të Leposaviqit, Ministrisë së Kultures te R.Serbisë dhe Zyrës për Kosovën dhe Metohinë dhe fillimet i ka nga viti 1996 dhe që nga ky vit është mbajtur pandërprerje.

Festivali startoi me datën 27/08/2018 deri në natën finale me 30/08/2018 dhe u organizua në mes të qytetit të Leposaviqit ku u ndoq me shumë interes nga një numër shumë i madh banorësh të qytetit dhe të ftuarish.  Ekipet pjesëmarrese ishin nga Serbia, Kroacia, Maqedonia, Mali i Zi dhe për herë të parë mori pjese edhe perfaqesuesi nga Shoqata serbo-malazeze “Moraça-Rozafa” Gordana Hajkoja-Ajkoviq me recitimin e poemës “Ostaj’te ovdje” të poetit të madh serb Aleksa Shantiq. Përfaqesimi i bere nga znj. Gordana Ajkoviq në natën finale të këtij eventi ishte dinjitoz dhe me shumë ndjenjë dhe u duartrokit gjatë nga të pranishmit ku dhe u nderua me çmim nga organizatorët.

Vlen të theksohet se interesi nga ana e organizatorëve per pjesëmarrësit e në veçanti për delegacionin tonë ishte i madh dhe iu rezervua një pritje  ceremoniale nga kryetari i bashkise së qytetit Leposaviq ku u shkembyen dhurata dhe u bënë falenderime për pjesemarrjen. Ne fund të ketij manifestimi u shtrua darka përmbyllese ceremoniale e cila kaloi në një atmosferë vellazërore

Copyright (C) 2014, Shoqata Identitet | Faqe Interneti nga Interweb.al sh.p.k