Moraça-Rozafa

Në fshatin Gajtan shërbehet parastosi dhe vendoset Kryqi të rënëve dhe të plagosurve në luftrat Ballkanike në Bardhaj dhe Tarabosh.

1-1-150x150

Të dielën, me 7 Tetor, 2018 përfaqësuesit e shoqatës “ Moraça-Rozafa” dhe shoqatës ortodokse “ Shën Jovan Vladimir” në bashkëpunim me përfaqësuesit  e Këshillit Kombëtar Serb të Malit të Zi , së bashku me pasardhësit e të rënëve dhe të plagosurve të ushtrisë serbe dhe malazeze në çlirimin e Shkodrës gjatë viteve 1912-191, vendosën Kryqin memorial në fshatin Gajtan.

Parastosin për të rënët dhe bekimin e kryqit e shërbyen protojerej Predrag Shqepanoviq dhe Jovan Plamenac.

Në shërbesën e parastosit dhe ceremoninë e vendosjes së kryqit në Bardhaj morën pjesë kryetari i këshillit kombëtar Serb të Malit të Zi, Momçillo Vuksanoviq, kryetari i Demokracisë së re Serbe, Andrija Mandiq, kryetari i shoqatës “ Moraça-Rozafa”, Pavlo Brajoviq, kryetari i shoqatës ortodokse “Shën Jovan Vladimir” Simo Ajkoviq, ish ministri për Fenë në Qeverinë e Republikës së Malit të Zi, Budimir Dubak, historianët Bozhidar Bojoviq dhe Simon Gjuretiq dhe pasardhës të të rënëve dhe të plagosurve të ushtrisë Serbe dhe Malazeze në Shkodër, midis të cilëve dhe Vlajko Gjuriçanin, babi i të cilit është plagosur në këtë luftë,  i cili kishte ardhur nga Australia pas 45 vjetësh për ti bërë nderimet të rënëve dhe për tu lutur për shpirtrat e tyre.

Pas parastosit dhe bekimit të kryqit, fjalën e rastit e mbajti protojerej Predrag Shqepanoviq.

Në emër të pasardhësve të të rënëve foli Budimir Dubak, ndërsa në emër të shoqatave përfaqësuese të Serbëve të Shkodrës foli  Pavlo Brajoviq.

Zoti i plotmëshirshëm le ti prehë në paqe të gjithë ata që ranë në këtë luftë për çlirimin e Shkodrës së lashtë gjatë 1912-1913 dhe ti japë një vend në parajsë, ndërsa sakrifica e tyre le të jetë një orientim për të gjithë pasardhësit, se si mbrohet nderi dhe dinjiteti i trashëgimisë së popullit të tyre.

Në fund të ceremonisë, u organizua një drekë ceremoniale në Shirokë për të pranishmit.

Rifilloi emisioni i lajmeve në gjuhen serbe në televizionin lokal Tv-Kopliku

IMG-61f61eadc3919ec54aaa1080bfc12b06-V-540x432

Sot rifilloi emetimi i lajmeve në gjuhen serbe në televizionin lokal Tv-Kopliku. Ky emision mundësohet nga bashkëfinancimi i Ministrisë së Kulturës së R.Serbisë. Eshte viti i pestë pandërpreje që ky transmetim realizohet nga bashkëpunimi i Ministrisë së Kulturës së R.Serbisë me shoqaten e pakices serbo-malazeze Moraça-Rozafa në Shkodër. Është përcaktuar që emisioni të transmetohet çdo të shtunë nga ora 19:00 deri në orën 20:00 dhe ritransmetimi të bëhet të dielën nga ora 13:00 deri në 14:00.

Qëllimi kryesor i këtij bashkëpunimi shumëvjecar midis Ministrisë së Kulturës dhe shoqatës “Moraca-Rozafa” është rritja e informimit në gjuhën serbe për pjesëtarët e popullit serb në Shkodër, e mundësuar nga hapësira e madhe të frekuencave të këtij televizioni si dhe ruajtja dhe promovimi i gjuhes serbe si instrument per forcimin e identitetit dhe perkatesise nacionale.

Ky emision përveç lajmeve, në gjysmën e dytë të tij shfaq dokumentarë, këngë dhe muzikë nga folklori i popullit Serb, si dhe përbajtje historike dhe kulturore mbi popullin tonë. Vlen të përmendet që per realizimin e këtij projekti punohet me shumë pasion nga ana e gazetarëve të cilët jane aktivistë të shquar të shoqatës Moraca-Rozafa dhe stafit te Tv-Koplikut që është shumë i predispozuar të japë kontributin e vet në realizimin e këtij transmetimi .
Kohëzgjatja e emetimit te tij do të jetë deri në fillim të muajit dhjetor duke shpresuar që në një të ardhme të afërt ky emision të jetë i përjavshem dhe pa shkeputje në kohë.

Festohet festa e Shën Trinisë në Vrakë

9-9-300x225

Të dielën, 27 maj, me rastin e festën e uljes së Shpirtit të Shenjtë mbi apostujt – Shën Trinisë, në Vrakë u mbajt liturgjia e shenjtë.
Me bekimin e Kryepeshkopit të Shqipërisë Anastas dhe Mitropolitit të Malit të Zi Amfilohije, liturgjia u shërbye nga klerit të kishave ortodokse serbe dhe shqiptare.
Priftërinjtë Velimir Jovoviç u sherbeu abshke me Stavrophor Radomir Nikçeviç, drejtuesin e kishës së Hercegovinës dhe drejtorit të Svetigora , si dhe me dhjakun e Shkodrës Ivan Popoviq.
Liturgjia u ndoq nga besimtarë nga Shkodra, Vraka dhe zonës përreth, si dhe nga Mali i Zi, të cilë kishin ardhur për tu mbledhur rreth Kishës së tyre të Shenjtë për të përkujtuar këtë festë të mrekullueshme dhe të bekuar.
Pas kungimit të besimtarëve , atë Velimir Jovoviç dhe dhjak Ivan Popoviç ndanë dhe bukën e festës. Atë Velimir uroi atyre festën dhe falenderoi Kryepeshkopin Anastas për për bekimin që Liturgjia e Shenjtë të shërbehej në gjuhën serbe.
Pastaj dhuratat iu dhanë të gjithë besimtarëve të pranishëm dhe veçanërisht fëmijëve të cilët morën bekimin e Mitropolitit të Malit të Zi, Amfilohije.
Kremtimi u vazhdua në restorant aty pranë me mikpritjen dhe dashurinë e anëtarëve të shoqatave Moraça-Rozafa dhe Shen Jovan Vladimir nga Shkodra.
Me këtë rast, shkrimtari Budimir Dubak me fjalët e tij të përzgjedhura, falenderoi të pranishmit për mikpritjen e ngrohtë.

Mbahet Asambleja e dhomes se perbashket te tregtise Serbi-Shqiperi

4094349

Ne Tirane me dt. 23 Nentor 2017 u mbajt mbledhja e pare e asamblese se dhomes se perbashket te tregtise Serbi-Shqiper ne te cilen pervec biznesmeneve te shumte moren pjese dhe perfaqesues te ministrive relevante nga te dyja vendet. Mbi 100 biznesmene dhe 41 kompani nga Serbia moren pjese ne Panairin 2017 duke prezantuar produktet  dhe sherbimet e tyre nga fushat e bujqesise dhe industries ushqimore, ndertimtarise dhe makinerive, industria kimike dhe elektronike, tekstilet, farmacia etj. Read more →

Përkujtohen të rënët e ushtrisë serbe në Luftën e Parë Botërore në Shqipëri

IMG-9202ff94c45d3cce388fd93acbbbb046-V

Përfaqësuesit e tre shoqatave të pakicës Serbe në Shqipëri, “ Moraça-Rozafa”, “ Sveti Jovan Vladimir” dhe “ Jedinstvo” vendosën kurora me lule dhe përkulën me nderim të shtunën, me 11 Nëntor, 2017 në kujtim dhe nderim të ushtarëve të rënë Serbë në territorin e Shqipërisë gjatë Luftës së Parë Botërore. Read more →

Ministri Bushati prezanton ligjin për pakicat në Shkodër

22664450_10214583153036236_1033657727_o-660x330

Ministri i Punëve të Jashtme të Republikës së Shqipërisë, z. Ditmir Bushati, i shoqëruar nga deputeti i Parlamentit të Shqipërisë i zgjedhur në zonën e Rrethinave e banuar nga një numër i konsiderueshëm i komunitetit serb dhe malaze, z. Luan Harusha dhe nga bashkëpunëtorë të tjerë, i dedikoi vizitën e parë në prezantimin e ligjit për pakicat kombëtare dhe u takua në selinë e shoqatës së pakicës Serbe “ Moraça-Rozafa” me përfaqësuesit e organizatave të pakicës Serbe në Shkodër si dhe me përfaqësues të organizatave të minoriteteve Rome, Malazeze dhe Egjiptiane që operojnë në Shkodër të njohura së fundmi me miratimin e ligjit “ Për mbrojtjen e pakicave kombëtare në Republikën e Shqipërisë”. Read more →

Festohet në Vrakë festa e Shën Mërisë

20170827_113802

Të dielën , me bekimin e Mitropolitit të Malit të Zi, Amfilohije dhe Kryepeshkopit të Kishës Autoqefale Shqiptare, Anastasit në Vrakë u mbajt liturgjia me rastin e festës së Shën Mërisë, në prani të besimtarëve të shumtë nga Shkodra, Vraka dhe Mali i Zi. Liturgjia u shërbye nga atë Srboljub Jovanoviq dhe atë Radomir Nikçeviq, të shoqëruar nga kori i “ Shën Nikollait” nga kisha e “ Shën Llazarit” pranë Çaçakut. Read more →

Rifillon emisioni televiziv në gjuhën serbe

gordana

Emisioni televiziv në gjuhën serbe, një projekt i shoqatës së pakicës serbo-malazeze në Shkodër “ Moraça-Rozafa” i cili vazhdon përgjatë 5 viteve, rifilloi emetimin e sezonit të ri me 6 Gusht në televizionin lokal TV Kopliku. Vazhdimi i projektit edhe për këtë vit u mundësua falë financimit nga fondet që Ministria e Kulturës dhe Informimit të Republikës së Serbisë jep në mbështetje të mediave në gjuhën serbe në vendet e rajonit. Read more →

Projektligji „ Për pakicat kombëtare” dërgohet për miratim në Parlament

17-06-06-01-41-50banner_foto_km_deklarata_ok

Pas shumë vitesh advokimi të pakicave kombëtare dhe organizatave të tyre përfaqësuese, Qeveria e Republikës së Shqipërisë dërgoi për miratim në Parlament draftin final të ligjit “ Për pakicat kombëtare në Republikën e Shqipërisë”. Projektligji është fryt i punës dhe përfundimeve të cilat ka propozuar Grupi i Punës i përbërë nga përfaqësues të institucioneve shtetërore të cilat mbulojnë çështjet e pakicave kombëtare. Një kontribut dhe rol të madh në miratimin e dispozitave pozitive në tekstin e projektligjit ka dhënë Komiteti i Minoriteteve i cili nga formimi i tij ka insistuar në miratimin e një ligji të tillë. Read more →

Përfaqësuesit e shoqatave Serbe të Shqipërisë morën pjesë në ceremoninë e inagurimit të Presidentit të Serbisë

Beograd, 23. juna 2017.- Predsednik Srbije Aleksandar Vucic (na slici) obraca se zvanicama na svecanoj ceremoniji inauguracije u Palati Srbija. FOTO TANJUG/ RADE PRELIC/ nr

Me rastin e zgjedhjes së Presidentit të ri të Serbisë, z. Aleksandër Vuçiq, përfaqësuesit e shoqatave të pakicës serbe në Shqipëri- z. Pavlo Brajoviq, kryetar i shoqatës “ Moraça-Rozafa” , dhe z. Simo Ajkoviq kryetar i shoqatës ortodokse “ Shën Jovan Vladimir” – morën pjesë me ftesë të z. Vuçiq në ceremoninë e inaugurimit të Presidentit të Republikës së Serbisë e cila u organizua në Pallatin Serbia. Read more →

Copyright (C) 2014, Shoqata Identitet | Faqe Interneti nga Interweb.al sh.p.k