Shen Jovan Vladimiri

Besimtarët ortodoksë të pakicës kombëtare serbo-malazeze kremtuan festën më të madhe të krishtere- Pashkët.

IMG-a0d9c8ef2f0e54838a5548aff1a76c94-V-640x480

Të dielën, me datë 28 prill besimtarët ortodoksë të pakicës kombëtare serbo-malazeze kremtuan festën më të madhe të krishterë Pashkët-Ringjalljen e Krishtit, ditën kur Jezu Krishti sipas besimit të krishterë, dëshmoi fuqinë e tij hyjnore dhe u ringjall nga të vdekurit. Kjo festë është bashkim i besimit dhe traditës, e kultivuar ngaherë , dhe fillon të Premten e Madhe kur amvisat ngjyrosin vezët e para të Pashkëve.
Me shprehjet “ Krishti u ngjall, me të vërtetë u ngjall” besimtarët ortodoksë të pakicës serbo-malazeze festuan atë që njihet si moment i veçantë i besimit, ringjalljen e Krishtit tre ditë pas vdekjes i kryqëzuar, një simbolikë për rilindjen e shpresës, kalimin nga e përkohshmja në të përjetshmen dhe çlirimin nga mëkati, përmes forcimit të besimit te Zoti . Besimtarët ndezën qirinj, me simbolikën e marrjes nga drita e Perëndisë, ndërsa e kuqja e vezëve që i dhurohen njëri-tjetrit ka një tjetër simbolikë, atë të sakrificës së Krishtit.
Liturgjia e shenjtë u mbajt si zakonisht në kishën e Shën Trinisë në Vrakë nga famullitari i kishës së Podgoricës protojerej Predrag Shqepanoviq i cili erdhi nga Podgorica enkas për këtë ditë me bashkëshërbimin e klerikut të Kishës Ortodokse Autoqefale të Shqipërisë Ivan Popoviq. Pas përfundimit të liturgjisë protojerej Predrag Shqepanoviq mbajti një fjalim të shkurtër ku uroi edhe një herë të gjithë besimtarët e pakicës serbo-malazeze që jeton në Shkodër dhe Vrakë ditën më të shënuar të besimit kristian duke shprehur dëshirën për bashkëjetesë e tolerancë/
Në fund për delegacionin nga Mali i Zi u shtrua dreka solemne e Pashkëve.

Urim me rastin e Pashkëve

srecan-uskrs

Shoqata ortodokse ” Shën Jovan Vladimir” i uron të gjithë besimtarëve ortodoksë të Shqipërisë dhe anembanë botës Pashkët e bekuara.

Ashtu siç kjo ditë simbolizon triumfin e jetës ndaj vdekjes, dritës ndaj errësirës, mirësisë ndaj së keqes, le të jetë kjo ditë një plotësim i dëshirava me të mira për familjet tuaja, një ditë ku paqja ulet te njerëzit këmbëkryq dhe mirësia të lindë si diell në jetën e familjeve tuaja, ashtu siç dhe Hyji ynë Jezu Krisht u rilind dhe do rilindet çdo ditë në zemrat tona.

Krishti u ngjall, me të vërtetë u ngjall.

Festohet dita kombetare e Republikes se Serbise ne Tirane

zastava-srbije

Te henen me 18 Shkurt ne hotel internacional Tirana Ambasada e R. Serbise ne Tirane, organizoi kremtimin e festes se Republikes se Serbise. Me kete rast ishin te ftuar personalitete te larta nga sfera te ndryshme te jetes politike, ekonomike dhe shoqerore te vendit, perfaqesuas te korit diplomatik e te te tjere. Ne kuader te kesaj dite, te ftuar ne kete event te rendesishem ishin edhe perfaqesuesit e shoqatave te pakicave serbe qe kontribuojne ne vend. Nga shoqata serbomalazeze i ftuar ishte kryetari i saj z.Pavlo Jakoja-Brajovic me stafin e tij, nga shoqata ortodokse “Shen Jovan Vladimir” kryetari i saj z.Zoran Hajkoja-Ajkoviq, nga shoqata serbe “Jedinstvo” i ftuar ishte kryetari i saj z.Eqerem Duleviq me bashkepunetoret. I pranishem ne kete ceremony ishte edhe kryetari i shoqates “Skadarlija” z.Salko Ferezaj-Brajoviq e cila u themelua para pak kohesh ne Tirane.
Ceremonia filloi me intonimin e himneve te te dy shteteve dhe me pas fjalen e rastit e mbajti ambasadori i R.Serbise ne Tirane z.Miroljub Zariq. Ne fjalen e mbajtur ekselenca e tij falenderoi te gjithe te pranishmit per pjesemarrjen dhe uroi per marredhenie sa me te aferta dhe miqesore midis dy vendeve. Fjala e tij u duartrokit nga te pranishmit. Ceremonia zgjati rreth 2 ore dhe kaloi ne nje atmosfere miqesore ku zhvilluan biseda te lira midis pjesemarresve te shumte.

Urim me rastin e festës kombëtare të Republikës së Serbisë

dan_drzavnosti

Me rastin e ditës së Republikës së Serbis, Shoqata ortodokse “ Shën Jovan Vladimir”, Shoqata e pakicës kombëtare Serbo-Malazeze “ Moraça-Rozafa” dhe shoqata “ Skadarlija” i urojnë të gjithë bashkëatdhetarëve dhe udhëheqjes së Republikës së Serbisë, si dhe të gjithë Serbëve në botë festën e republikës së shtetit tonë amë, Republikës së Serbisë.
Në të njëjtën kohë, në këtë ditë i drejtojmë dhe dëshirat më të sinqerta për një Serbi të prosperuar dhe të begatë të të gjithë qytetarëve të saj brenda dhe jashtë saj, si një shtëpi e të gjithë njerëzve tanë kudo që të ndodhen , e cila do të kujdeset për të gjithë ata dhe interesat e tyre. Dëshirat dhe urimet tona shkojnë gjithashtu për arritjen e zgjidhjeve të rëndësishme për zhvillimin e saj dhe avancimin e saj në rrugën e integrimeve europiane.

Kremtohet festa e Shën Savës në Shkodër

IMG-eab8a3395a29c4610dfc17ac8d3ac005-V-480x640

Me bekimin e Hirësisë së tij, Kryepeshkopit të Tiranës dhe të gjithë Shqipërisë z. Anastas dhe të Mitropolitit të Malit të Zi, z. Amfilohije, të dielën, në kishën e Shën Trinisë në Vrakë u kremtua festa e Shën Savës, kryepeshkopit dhe shenjtorit të parë serb nën drejtimin e protojerej Predrag Shqepanoviq drejtuesi i kishës së Podgoricës , me bashkëshërbesën e Zlatko Vasic, drejtuesit të kishës së Zetës dhe priftit Ivan Popovic, klerik i Kishës Ortodokse Shqiptare, me pjesëmarrjen e besimtarëve nga Vraka dhe Shkodra.

Atë Predrag gjatë fjalës së rastit falenderoi për bekimin Kryepeshkopin Janullatos për mundësinë për të shërbyer në këtë tempull. Ai gjithashtu foli për misionin apostullor të Shën Savës.

“ Shën Sava i donte të gjithë njerëzit. Ai i takon popullit serb, por i takon dhe popujve të tjerë dhe të gjithë njerëzve me vullnet të mirë. Shkodra është sintezë kulturash, vendesh të shenjta, fatesh njerëzore, të trishtueshme dhe të gëzueshme. Këtu kanë kaluar shumë luftëtarë, shumë perandori kanë rënë, ka pushuar daullja e luftrave të lashta, por ka mbetur historia e Shkodrës si një qytet i shenjtë i vendeve të shenjta. Nuk i ka mbuluar errësira, por jetojnë në shpirtrat tuaj që jetoni në Shqipëri” , tha atë Predragu.

“ Sot jemi këtu duke festuar Shën Savën dhe duke thirrur për të na bekuar tokat, livadet si dhe njerëzit e shtëpisë. Paçi bekimin e Sveti Savës dhe le tju sjellë ai momentet më të bukura të gëzimit dhe dashurisë” , përfundoi atë Predrag Shqepanoviq.

Në fund të liturgjisë, përfaqësuesit e Mitropolisë ndanë për besimtarët dhe fëmijët dhuratat e festës.

Më pas, u organizua dhe tryeza e dashurisë vëllazërore në të cilën morën pjesë përfaqësuesit më të lartë të shoqatës Ortodokse “ Shën Jovan Vladimir” dhe shoqatës së minoritetit Serbo-Malazez “Moraça-Rozafa”, Simo Ajkoviq dhe Pavlo Brajoviq.

Paqja e Zotit qoftë me ju- Krishti u lind, me të vërtetë u lind

49592350_304620380073571_4905249446880608256_n

Festa me e gëzueshme kristiane, Lindja e Zotit Jezu Krisht, edhe këtë vit u festua me lutje në kishën e Shën Trinisë në Vrakë afër Shkodrës, vendi I lutjes dhe i ku grumbullohet populli ynë që jeton në Shkodër.
Festa Krishtlindjes Ortodokse filloi me dt. 6 Janar në ditën ne ndezjes së drunjve me grumbullimin e tyre pranë zjarrit të ndezur në oborrin e kësaj kishe. Ndërsa më ditën e lindjes, më 7 Janar, me bekimin e Kryepeshkopit të Tiranës dhe të gjithë Shqipërisë z. Anastas Janullatos dhe Mitropolitit të Malit të Zi Amfilohije Radoviq, në këtë kishë shërbyen së bashku priftërinjtë e të dy kishave, nën udhëheqjen e atë Predrag Shqepanoviq dhe me ndihmesën e klerikut të kishës ortodokse shqiptare, Ivan Popoviq, si dhe atë Nikolla Petani, prifti i kishës së Shkodrës. Pas shërbesës së liturgjisë së shenjtë dhe kungimit të besimtarëve, atë Shqepanoviq I uroi përzemërsisht besimtarëve festën duke u shprehur:
“ Lavdia le të jetë në lartësinë e Zotit, ndërsa në tokë le të sundojë paqja dhe dëshira e mire midis njerëzve. Me të vërtetë u lind, vëllezër e motra.
Ai u lind si një fëmijë I dobët, ai që krijoi malet, fushat e detet. Të gjitha këto Zoti I dashur I krijoi për ne dhe për shpëtimin tonë. U lind në një stallë, nuk u lind në sarajet e arta as në kështjella që të varfërit të mos thonin që është larg nga ne, që është pasanik. Dhe që nga dita e tij e lindjes e deri tani, I pasur është vetëm ai që e ka në zemër Zotin. Prandaj Krishtindjet janë përqafimi i Zotit dhe njeriut, prandaj Zoti kaloi gjithë atë rrugë, që të bëhej Zoti që sot është me ne. Prandaj lindja e tij e ndryshoi njerëzimin dhe historinë njerëzore nga themelet. Ai u bë njeri pikërisht për të fituar ndaj vdekjes, e cila gjithmonë e ka mbajtur njerëzimin në kanxhat e saja.
Prandaj kjo është dhe festa më e gëzueshme. Festa në të cilën Zoti bëhet një nga ne dhe që të na përqafojë me atë përqafim të përjetshëm. Prandaj ne që jemi të pagëzuar në emër të Atit, Birit e Shpirtit të Shenjtë, jemi veshur me petkun e Krishtit. Le të jenë të bekuar të gjithë ata që duke agjëruar dhe me lutje janë përgatitur për këtë kungim, sepse ata të gjithë e kanë pare kalimin e Zotit në këtë botë, duke u bërë njeri.
Kjo është datëlindja e të gjithë njerëzve në tokë, nëse nuk duam Zotin, nuk do jemi në gjendje të duam as vellezërit tanë që I kemi afër. Prandaj ne jemi dhe vëllezër të Përjetshëm, sepse dhe Zoti u bë njeri për ne. Prandaj le të jetë e bekuar kjo ditë, këto fusha dhe livade, ky liqen, malet dhe këto vise të bukura. Sepse të gjitha këto janë krijuar nga Zoti ynë I dashurisë, Jezu Krishti, shpëtimtari I njerëzimit dhe botës së tërë.
Le tju ngrohë dashuria e tij , dashuria me të cilën u ngroh I sapolinduri në atë shpellë të Betlehemit, sepse edhe atëherë ishte ftohtë. Edhe sot është ftohtë por në zemrat tona është dashuria e tij që na ngroh. Le të jetë dashuria e Krishtin ajo atmosferë që ju do të merrni brenda jush, le tju sjellë në vatrat tuaja momentet më të mira, fatlume, unitetit, dashurisë dhe të jetoni në qetësi dhe dashuri me vëllezërit tuaj Shqiptarë dhe me të gjithë njerëzit që jua duan të mirën. Këtë na këshillon Zoti ynë i dashur, Zoti që u bë njeri për të na bërë ne Zotër.
Ju bekoftë Zoti dhe tju ruajtë familjet dhe fëmijët tuaj. Paqja e Zotit qoftë me Ju, Krishti u lind- Me të vërtetë u lind.
Pas fjalimit, të gjithë të pranishmëve, dhe sidomos fëmijëve iu shpërndanë dhuratat e përgatitura nga Mitropolia e Malit të Zi.
Pas liturgjisë në tempullin e Trinisë së Shenjtë në Vrakë gjithë të pranishmit i përshëndeti Z. Simo Ajković, President i Shoqatës së ortodokse Sveti Jovan Vladimiri, i cili tha: “Të dashur vëllezër dhe motra, në këtë drekë vëllazërore Ju uroj nga zemra Gëzuar Krishtlindjet në këtë drekë vëllazërore. Ne u mblodhëm në kishën tonë, ku degjuam dhe priftërinjtë tanë se si të sillemi me njeri tjetrin, si ti shërbejmë Zotit dhe si të jemi në unitet me njëri-tjetrin dhe të ndihmojmë njëri tjetrin gjithmonë në rast nevoje.
Në emër të Shoqërisë së Shën Jovan Vladimir, përshëndes të gjithë besimtarët tonë ortodoks të cilët festojnë Krishtlindjet sipas kalendarit Julian. Ky është një nder i madh për ne, sepse ne jemi të veçantë në Shqipëri por për këtë neve nuk na është dhënë ditë pushimi në Shqipëri. Dhashtë Zoti tek autoritetet në Shqipëri dhe të mendojnë për ne dhe të kemi të njëjtat të drejta si të tjerët në aspektin e festimit të festave.
Shfrytëzoj rastin që të uroj dhe në këtë ditë ditëlindjen e Mitropolitit Amfilohije i cili sot feston 81 vjetorin. Le ta gëzojë dhe i urojmë për shumë vite jetë të lumtur dhe përkrah nesh. Për të gjithë vëllezërit dhe motrat e mia uroj që gjithmonë të mblidhemi në kësi rastes, në paqe lumturi dhe begati. Gezuar.
Në emër të delegacionit të mitropoli të Malit të Zi të pranishmit i falenderoi dhe atë Predrag Shqepanoviq dhe tha:
“Sytë, vëllezërit dhe motrat. Perëndia në këtë ditë përqafoi njeriun dhe na dërgoi një mesazh që ne kemi nevojë për të përqafuar me njëri-tjetrin, sepse ajo është më e thellë e vërtetë: “Unë pashë vëllanë tim, pashë Perëndinë.” Një fjalë e vjetër serbe thotë: “Nëse doni të jetoni, mbillni një fushë. Nëse dëshironi që dicka të jetojë për dekada , mbillni një vresht. Nëse doni të leni diçka pas jetës tuaj, shkruani një libër. Dhe nëse doni diçka të përjetshme për të bërë, ndërto një kishë. ” Kështu, më shumë se njëzet vjet me rradhë qyteti i lashtë të Shkodrës, i cili mban shumë histori, përsëri na hapi zemrën e tij dhe shpirtin e tij. Ne falenderojmë edhe një herë Fortlumturinë e tij Januallatos që na mundësoi dhe shërbesën në këtë ditë dhe falenderoj gjithashtu atë Ivan Popovic nga Shkodra i cili shërbeu dhe festoi bashkë me ne sot.
Të pranishmit gjithashtu përshëndetën z. Pavle Brajoviq-Jakoja, kryetar i shoqatës Moraca-Rozafa, i cili tha:
“Krishti ka lindur. Unë do të doja të flas dy disa fjalë, në këtë ditë të sotme, e Krishtlindjeve, e cila është një nga ditët më të rëndësishme të vitit fetar që ne festojmë në Shkodër. Të gjithë opinioni publik duhet të dinë se ne në Shkodër nuk jemi braktisur, nuk jemi lënë në mëshirë të fatit, por luftojmë të mbijetojmë dhe për këtë na ka ardhur në ndihmë dhe Hirësia e Tij Mitropoliti Amfilohije i Malit të Zi, bashkë me bashkëpunëtorët e tij.
Ata na japin aftësinë dhe forcën për të përballuar disi dhe të mbijetojmë dhe në Shkodër, në të cilë nuk ndjehemi të harruar. Me këtë rast, unë uroj hirësinë e Tij për ditëlindjen. U bëftë edhe 100 me bekimin e perëndisë, ai dhe të gjithë njerëzit e rreth tij.
Në jetën tonë këtu në Shkodër ka vështirësi, dhe ata që eksplorojnë dhe të flasin dhe për ne besojnë se ne jemi këtu me të varfërit, le ta dinë se ne jemi të pasur në komunitet dhe në besim.
I përshëndes priftërinjtë dashur dhe delegacionin e Mitropolisë së Malit të Zi dhe Bregdetit, falenderoj ata dhe të gjithë ata që kontribuan që kjo festë zyrtarisht të festohet për vite në qytetin e lashtë të Shkodrës- tha Pavlo Jakoja.
Gjatë drekës të pranishmit kënduan këngë tradicionale, Serbe, Malazeze dhe Shkodranë në një atmosferë vëllazërore.

Dita e Shën Vidit

DSC_4577-1080x675

Festa simbolike lidhur me historinë e popullit serb, dita e Shën Vidit, festohet sot rreth kishave në Serbi dhe tempujt e shenjtë të popullit serb në Kosovë dhe Serbi. Në këtë ditë përkujtohet ngjarja më të rëndësishme mesjetare gjashtë shekujve të fundit për popullin serb, Beteja e Fushë Kosovës, ku kombi serb dhe vendeve të tjera u përpoqën ti rezistonin pushtimin turk. Kjo festë festohet në kuptimin e Shën Llazarit dhe martirëve të shenjtë serb,të cilët ranë në atë betejë.
Në Graçanicë, Kosovë u mbajt liturgjia e shenjtë, duke filluar nga ora 8:00 pm të cilën e shërbeu Hirësia e Tij, Mitropoliti Amfilohije me bashkëshërbesën e peshkopit Artemije i Eparkisë së Kosovës, në praninë e një numri të madh besimtarësh.
” Dëshmi e gjallë është kjo ditë e shenjtë që ne festojmë, festë shekullore e këtij populli për dishepullin Amos dhe martirin e Kosovës, Shën Lazarin. Jeta e tij dhe të tyre, dhe jeta e këtij qyteti të shenjtë është në shenjën e Krishtit të kryqëzuar dhe të ringjallur, që ishte, është dhe do të jetë deri në fund të botës dhe jetës, “tha mitropoliti Amfilohije në ligjëratën e tij përpara besimtarëve.
Ai tha se varri i Kosovës nuk është gjë tjetër veçse një reflektim, një zgjatje dhe vazhdimin e varrit të Krishtit në Jeruzalem, dhe si varri i Krishtit, dhe varri i Kosovës është i gjallë në mënyrë që Kosova varret Zivonosni varrin, jo vetëm për kombin tonë, por edhe pishtar i të gjithë popujve evropianë Varri i Kosovës dhe të gjithë asaj që është njerëzore dhe e ndershme në këto popuj deri në ditët e sotme.
Në fund të liturgjisë së Shenjtë, Vladika Teodosije i falenderoi të pranishmit për dashurinë e tyre pa kufi kur bëhet fjalë për Kosovën, gadishmërinëe e tyre që së bashku ti shërbejnë dhe ti japin dashuri Zotit, si dhe përpjekjen që të mbijetojnë në këto hapësira.

 

Ministria e Kulturës së Serbisë mbështet mediat në gjuhën Serbe në Shqipëri

MKC Logo

Ministria e Kulturës dhe Informimit e Republikës së Serbisë ka vazhduar dhe këtë vit të luajë një rol vendimtar si financuese e projekteve të shoqatave të pjesëtarëve të pakicës kombëtare Serbo-Malazeze në Shqipëri. Projektet mediatike siç është faqja e internetit e shoqatës ortodokse “ Shën Jovan Vladimir” në gjuhën serbe, shqipe dhe angleze në adresën www.identitet.al e cila është media e vetme e shkruar elektronike në gjuhën Serbe e cila mbulon dhe publikon informacione mbi egzistencën, jetën dhe aktivitetet e bashkësisë serbe në Shqipëri, si dhe ai i shoqatës së pakicës kombëtare Serbo-Malazeze “ Moraça-Rozafa” i cili konsiston në emetimin e një emisioni javor në një nga televizionet lokale të Shkodrës me përmbajtje ngjarjet nga pakica jonë, por dhe mbi kulturën, muzikën dhe artin nga hapësirat e popullit amë, edhe këtë vit do të financohen nga Ministria e Kulturës dhe Informimit të Republikës së Serbisë ashtu si dhe vitet e kaluara. Read more →

Festohet festa e Shën Trinisë në Vrakë

9-9-300x225

Të dielën, 27 maj, me rastin e festën e uljes së Shpirtit të Shenjtë mbi apostujt – Shën Trinisë, në Vrakë u mbajt liturgjia e shenjtë.
Me bekimin e Kryepeshkopit të Shqipërisë Anastas dhe Mitropolitit të Malit të Zi Amfilohije, liturgjia u shërbye nga klerit të kishave ortodokse serbe dhe shqiptare.
Priftërinjtë Velimir Jovoviç u sherbeu abshke me Stavrophor Radomir Nikçeviç, drejtuesin e kishës së Hercegovinës dhe drejtorit të Svetigora , si dhe me dhjakun e Shkodrës Ivan Popoviq.
Liturgjia u ndoq nga besimtarë nga Shkodra, Vraka dhe zonës përreth, si dhe nga Mali i Zi, të cilë kishin ardhur për tu mbledhur rreth Kishës së tyre të Shenjtë për të përkujtuar këtë festë të mrekullueshme dhe të bekuar.
Pas kungimit të besimtarëve , atë Velimir Jovoviç dhe dhjak Ivan Popoviç ndanë dhe bukën e festës. Atë Velimir uroi atyre festën dhe falenderoi Kryepeshkopin Anastas për për bekimin që Liturgjia e Shenjtë të shërbehej në gjuhën serbe.
Pastaj dhuratat iu dhanë të gjithë besimtarëve të pranishëm dhe veçanërisht fëmijëve të cilët morën bekimin e Mitropolitit të Malit të Zi, Amfilohije.
Kremtimi u vazhdua në restorant aty pranë me mikpritjen dhe dashurinë e anëtarëve të shoqatave Moraça-Rozafa dhe Shen Jovan Vladimir nga Shkodra.
Me këtë rast, shkrimtari Budimir Dubak me fjalët e tij të përzgjedhura, falenderoi të pranishmit për mikpritjen e ngrohtë.

Konsultime mbi aktet nënligjore për pakicat kombëtare

big_30709507_1602880733159036_1714000041993043968_n_(1)

Ministria për Evropën dhe Punët e Jashtëm ka nisur një proces diskutimi me pakicat kombëtare për aktet nënligjore të ligjit për Pakicat Kombëtare. Në këtë kuadër, Ministri për Evropën dhe Punët e Jashtme Ditmir Bushati, zëvëndësministrja Artemis Dralo dhe Kryetarja e Nënkomisionit për të Drejtat e Njeriut Vasilika Hysi ishin në qytetin e Shkodrës në një dëgjesë publike me pakicat serbo dhe malazeze për aktet nënligjore për ligjin për Pakicat Kombëtare.
Ministri Bushati në fjalën e tij nënvizoi se MEPJ ka nisur këtë proces konsultimi në mënyrë që t’iu përgjigjet kërkesave të të gjithë minoriteteve dhe se Shqipëria është angazhuar për zbatimin e të drejtave të njeriut.
“E kam diskutuar si me Ministrin e Jashtëm të Malit të Zi ashtu edhe me Ministrin e Jashtëm serb për të ndërtuar projekte specifike që janë më të përshtatshme për karakteristikat që kanë pakicat këtu”, nënvizoi Ministri Bushati.
Më tej Ministri Bushati theksoi se “Pavarësisht progresit të qenësishëm që është bërë në këtë fushë dhe risive që sjell ligji, kemi shumë detyra përpara, fillimisht me ripërcaktimin e të gjithë arkitekturës në fushën e mbrojtjes dhe promovimit të të drejtave të pakicave, bashkëpunimin me pushtetin vendor dhe me përfaqësuesit kryesorë të pakicave të ndryshme në Shqipëri”.
Nga ana e saj, Kryetarja e Nënkomisionit për të Drejtat e Njeriut, Vasilika Hysi, theksoi se ka pasur një proces të gjatë konsultimi, por shqetësimi i shumë pakicave ishte për aktet nënligjore dhe ky proces konsultimi është praktika e duhur për hartimin e kuadrit të duhur ligjor”.
Dëgjesa e parë u zhvillua në Tiranë nën kujdesin e zv.Ministres Dralo, e cila vijon konsultat me të gjithë grupet e interesit për përgatitjen e këtyre akteve.

Copyright (C) 2014, Shoqata Identitet | Faqe Interneti nga Interweb.al sh.p.k